حادثه بوگون ایرتلب تانگ وقتی بیلن ساعت 6:30 دقیقهده قندهار شهرینینگ تورتینچی خوفسیزلیک حوزهسیده یوز بیرگن.
قندهار ولایت والیسی نینگ سوزلاووچیسی صمیم خپلواک، ولایت قونالغهسی نینگ بو خادملری نا معلوم قوراللی شخصلری تامانیدن هجوم آستیگه آلینگن لیگینی سلاموطندارگه ایتگن. بو خادملر ایش ادارهسی تامان کیته دیگن چاغده هجوم آستیگه آلینگن دیدی خپلواک. واقعهده بیش عیال و موترنینگ هیداووچی قربان بولگن.
جناب خپلواک، هجومچیلر حادثه ییریدن قاچیشگه موفق بولگن لیگینی اعتراف قیلگن.
نامی فاش ایتیلمسلیک شرطی بیلن سلاموطندارگه صحبت بیرگن امنیتی بیر منبع، اولدیریلگن عیاللر قونالغهنینگ حربی شفاکارلری دیگن.
قندهار حوزهوی ساغلیقنی سقلش مرکزینینگ مسووللری، بوگون ایرتلب بیش عیال نینگ جسدی شفاخانهگه آلیب کیلینگنلیگینی ایتگنلر. حادثه مسوولیتینی هنوزگچه بیرار گروه یا شخص ذمه سیگه آلمهگن.
