خلق ارا همده امریکانینگ افغانستان‌ده‌گی عمومی قوماندانی، ناتوگه اعضا مملکتلر تشقی ایشلر وزیرلری ییغینی‌نینگ تورتیجی کونی‌ده سلام‌وطندارگه بیرگن صحبتی‌ده بو تشکیلات هندوستان نینگ افغانستان حکومتیگه کورسته دیگن کومکینی خوش قرشیله‌گن.
افغانستان ملی کینگشی نینگ بناسی قوریلیشی، هند – افغانستان دوستلیک برق بندی و سلما سوو توغانی هندوستان همکارلیک بیلن قوریلگن ییریک لایحه بولگن لیگی‌گه اشاره قیلگن خلق ارا حربی کوچلری‌نینگ قوماندانی نیکلسون.
خلق ارا حربی کوچلرنینگ افغانستان‌ده‌گی باش قوماندانی، رسمی دهلی نینگ افغانستان حکومتیگه تورلی ساحه‌لرگه بیرگن همکارلیگی بو مملکت امنیتی اوچون ییریک تاثیری بار دیدی.
پاکستان‌گه اشاره قیلگن نیلکسون هندنینگ افغانستان‌گه کورستگن همکارلیکلریگه نسبتن دشمنلیک کوزی بیلن قره‌مسلیگی اوچون امید بیلدیرگن. کیلگوسی ییلده امریکا قوشمه ایالتلری افغانستان هوا ملی کولریگه 800 میلیون دالر همکارلیک قیلیشی کوتیله‌دی دیگن اقش‌نینگ بو جنرالی.
جنرال نیکلسون نینگ سلام‌وطندارگه ایتیشیچه، خلق ارا حربیلرنینگ بو مملکت‌ده‌گی اساسی نیتی القاعده ترور ترماغی نابود قیلیش دیگن.
حاضر بو قوشینلر افغانستان‌ده القاعده، داعش، حقانی ترور ترماغی و نهایت خلق ارا ترورویلرنی نابود قیلیش اوچون هیج قنده‌ی سعی و حرکتنی ایه‌میدی دیگن.
عین حالده، افغانستان جمهور رییس محمد اشرف‌غنی بوندن نیچه کون آلدین هندوستان‌ده اوتکزیلگن آسیا یوره‌گی ییغینی‌ده قیلگن نطق سوزیده پاکستان حکومتی نینگ 500 میلیون دالرلیک کومکینی رد قیلدی.
غنی ینه بیر مرته پاکستان ترورچیلرنی حمایت قیله دی دیدی بو مبلغ افغانستان نینگ ایریم بولیملری قیته قوریلیشی اوچون اسلام آباد تامانیدن نظرده توتیلگن ایدی. لیکن، جمهور رییس غنی مذکور مبلغ نی پاکستان ترورجی گروهلرنی نابود قیلیش ده صرفله نیشی اوستیده تاکید ایتدی.
