.jpg)
دونالد ترامپ، 276 الکترال آواز قولگه کیریتیب، 217 الکترال آواز آلگن رقیبی هیلاری کلینتون‌دن ایلگری بولیب آق سرای‌گه یول تاپدی.
امیریکه قوشمه ایالت‌لری‌نینگ 45- سیلاوی، بوگون (8- نوامبر) امیریکه وقتی‌گه یولگه قوییلدی. امیریکه قوشمه ایالت‌لری‌نینگ 2016- ییل‌لیک سیلاوی، هیلاری کلینتون‌نینگ رسوالیک‌لریدن باشلب دونالد ترامپ‌نینگ افراطیت‌گه قرشی حرکت‌لریگه قدر، امیریکه قوشمه ایالت‌لری تأریخی‌ده جنجل‌لی سیلاولردن بیری ایدی.
امیریکه قوشمه ایالت‌لری‌نینگ سیلاوی، 56 ییل‌دن بویان، مذکور مملکت‌نینگ شمال‌شرقی‌ده‌گی دیکسول نوچ قیشلاغی‌دن باشلنه‌دی و بو مرته هم شو قیشلاق‌دن باشلنگن. اوشبو قیشلاق آوازی‌نینگ نتیجه‌سی 4 و 2 آواز بیلن هیلاری کلینتون اوچون رویخط‌گه آلیندی.
آواز بیریش حوزه‌لری دوامی‌ده بیرینچی‌دن ایندیانا و کنتاکی یاپیلگن و اوندن کیین نوبت فلوریدا و ویرجینیا حوزه‌لریگه ییتیشگن. فلوریدا 29 آوازی بیلن اوشبو سیلاوده اونملی ایالت‌لردن سنله‌دی. امیریکه‌نینگ 2016- ییل‌لیک سیلاوی‌ده آلاسکا سونگی حوزه بولدی.
ترامپ امیریکه سیلاوی‌نینگ افراطیت‌گه حرکت قیلووچی سیمالریدن بیری صفتیده 90- دقیقه گچه هیلاری کلینتون منفعتی‌گه تقلب بولدی دیب ادعا قیلدی. جمهورلیک ریاستی اوچون جمهوریتچی‌لر نامزدی دونالد ترامپ کمپاینچی‌لری، نوادا آواز بیریش حوزه‌سیده ساخته کارلیک بولگنی‌دن شکایت قیلدی، بیراق بو شکایت هیچ ییرگه ییتیشمه‌دی. ترامپ کمپاینچی‌لری‌نینگ ایتیشیچه، اوشبو حوزه‌ده لاتین‌تبارلرنینگ آوازی کوپه‌ییشی اوچون آواز بیریش ساعتی‌گه قیته تیکلنگن.
.jpg)
هیلاری کلینتون؛ ورمونت، ماساچوست، نیوجرسی، مری‌لند، ایلینوی، نیویورک، نیوجرسی، دلاور، کلمبیا حوزه‌سی، رود آیلند و کالیفرنیا ایالت‌لریده یوتوققه ایریشیب ترامپ‌دن ایلگری اوتدی و شونینگ‌دیک، دونالد ترامپ؛ اکلاهاما، جنوبی کارولینا، کنتاکی، ایندیانا، تنسی، میسیسیپی، آلاباما، کانزاس، شمالی داکوتای، جنوبی داکوتای، وایومینگ، آرکانزاس، تگزاس، اوهایو، فلوریدا، شمالی کارولینا و غربی ویرجینیا ایالت‌لریده کلینتون‌دن ایلگری اوتگن.
امیریکه قوشمه ایالت‌لری‌نینگ جمعیتی‌دن 226 میلیون/ 65 فایزی آوازبیریش شرایطی‌گه ماس و بو رقم‌دن 42 میلیونی آواز بیرگن‌لر.
باشقه تاماندن دونالد ترامپ موفقیت احتمالی آشیشی آسیا فوند بازاری توشیشیگه سبب بولدی. منطقه ده‌گی ییریک بازارلر برچه شاخصلری قیسقه ریب، کوپینچه پوللر طلا و باشقه برقرار نرسه‌لرگه المشتیریلدی. حالانکه ییریک کمپنیلر سوداگرلری هیلاری کیلینتون موفقیتگه ایریشیشینی کوتردیلر. اما، عکس حالده، دستلبکی نتیجه‌لرده ترامپ‌نینگ آلغه باریشی همه نرسه‌نی بوزیشدی.
.jpg)
دونالد جان ترامپ 1946- ییل 14- جون دنیاگه کیلگن.
ترامپ، مدیرلر هیأتی و ترامپ تشکیلاتی باشلیغ‌لری بولگن. ان، بی، سی، اورگه‌تیش لایحه‌سی ریلتی شوی‌گه میزبانلیک قیلگنی باعث، شهرت قازانگن. ترامپ، بنا قوروچی ثروتلی کیشی فِرد ترامپ‌نینگ فرزندی بولیب و اونینگ شرکتی 1971- ییل‌دن بویان اختیاریده بولگن. او، پنسیلوانیا بیلیم یورتی وارتون مدرسه‌سیده تحصیل کورگن. ترامپ، امیریکه‌نینگ املاک صنعتچی سیماسی و میدیا یولدوزلریدن بیری دیر.
او، برانکس‌ده فوردهام بیلیم یورتی‌ده درس اوقیب و اوندن کیین، پنسیلوانیا بیلیم یورتی وارتون مدرسه‌سیگه بارگن، چونکه وارتون امیریکه بیلیم یورتی‌لریده املاک اوقوتووچی فاکولته‌لریدن بیری بولگن. او، 1968- ییل‌ده مذکور بیلیم یورت‌نینگ اقتصاد بولیمی‌دن یوکسک لیسانس حجتی‌نی قولگه کیریتدی.
جمهوریتچی‌لر حزبی‌دن امیریکه جمهورلیک ریاستی نامزدی دونالد ترامپ، دموکرات‌لر حزبی‌دن نامزد بولگن هیلاری کلینتون‌نینگ بیرینچی رقیبی ایدی.
