افغانستان برق شرکتی (برشنا) بوندن ایکّی هفته آلدین قرضدار کیشیلر رویخطینی ترقتگن ایدی. نماینده‌لر مجلس اعضاسی‌دن آلیب جمهور رییس نینگ بیرینچی اورین باسری نینگ نامی بو رویخط‌ده کیلگن ایدی. هنوزگچه فقط نماینده‌لر مجلسی نینگ اعضاسی ملاتره‌خیل محمدی بوتون قرضینی توله‌گنلیگی برشنا شرکتی مسووللری تامانیدن تصدیقلندی.
برشنا شرکتی نینگ ترقتگن رویخطیده ایکّی مینگ کیشینی نامی قید ایتیلگن ایدی.
شرکت‌نینگ سوزلاووچیسی وحیدالله توحیدی سلام وطندار ترماغی بیلن قیلگن مخصوص صحبتده، استاد سیاف و نجیب الله کابلی‌لر هنوزگچه قرضلریدن بیر قسمینی توله‌گن لیکلرینی ایتگن. جناب توحیدی، برق ریاستی نینگ باشقه ولایتلریده‌گی قرضدارلری نینگ رویخطی هم تیز آره ده اعلان بوله دی دیگن.
.jpg)
برشنا شرکتی نینگ عمومی حساباتیده افغانستان بولیب ییتی یریم میلیارد افغانی برق مشتریلری اوشبو اداره دن قرضدار لر. هنوزگچه بو مبلغ نینگ بیر یریم میلیارد افغانیسی تولنگن لیگی ایتیله‌دی.
شونینگدیک جناب توحیدی، قرضدارلر پولنی توله‌شی اوچون بیریلگن مهلت اوز پایانیگه ییتگن‌لیگینی تیلگه آلگن. بو اداره نیچه مرته مشتریلریدن قرضلرینی بیریشنی سوره‌گن. اما، قرضدارلرنینگ بی فرق یانده‌شیشی بیلن روپه ره بولگن لیکلری باعث عدلی و قضایی اداره‌لرگه یوزلنگنلر.
