ننگرهار ساغلیقنی سقلش ریاستی نینگ مسووللری، جاری ییل ولایت نینگ کوپینچه تومنلریده ایملش دستوری عملگه آشیریلمهگن لیگینی ایتگنلر. تومنلردهگی ناتینچلیکلر بالهلرنی فلج گه قرشی ایملش برنامهسی تطبیق ایتیلمس لیگیگه بیرینچی عامل دیدی رسمیلر.
ننگرهار ساغلیقنی سقلش باشقرمهسی نینگ رییسی نجیبالله کامهوال بوگون (پنجشنبه) جلال آباد ده بیر قنچه دین عالملری بیلن اوتکزگن قوشمه مطبوعات انجمنیده، اوچ آی آلدین ولایتده 75 مینگ گودک ایملش دستوریدن محروم ایتیلگن ایدیلر دیگن.
اما، بو رقم ایسه هلی 13مینگگه کمیگن دیدی کامهوال. جناب کامهوال، ساغلیقنی سقلش ادارهسی نینگ خادملری تومنلرده موجود روحی اوروشلر باعث سفر قیله آلمسلیکلری بارهسیده اشاره قیلگن.
کامهوال، کوپینچه هسکه مینه و پچیراگام تومنلریده بیش یاشگه ییتمهگن بالهلرنینگ کته قسمی فلج گه قرشی ایملش دستوریدن محروملر دیگن. ننگرهار حجواوقاف ریاستی نینگ باشلیغی ابوظاهر حقانی نینگ ییغینده سوزلب ایتیشیچه، معلوماتی بولمهگن بیر قنچه دین عالملری نا درست فتوالر صادر قلیش بیلن فلجگه قرشی ایملش دستوری تطبیق ایتلیشی اوچون توسیق یرهته دیلر.
مملکت نینگ تانیقلی روحانیلریدن سمیع الله ریحان، فلج گه قرشی بالهلرنی ایملش اسلام نقطه نظریدن هیچ قندهی قیین چیلیگی یوق و ایریم کیشیلر ایسه سیاسی منفعتلر اوچون ایملشگه قرشی فتوا صادر ایته دیلر دیگن.
جناب ریحان، دنیا بولیب ییریک دین مرکزلری نینگ عالملری بالهلر فلجگه قرشی ایملهنیشی اوستده کیلیشگن لیکی خصوصیده تاکید قیلگن.
اوتیز ییلدن بیری فلجگه قرشی ایملش لایحهسی افغانستانده عملگه آشیریلهدی. اما، ناتینچلیک، نا برقرالیک و مسالهگه خانهدانلر اعتبار بیرمسلیکلری سبب مملکت نینگ هنوز هم کوپینچه حدودلریده ایملش دستوری تطبیق ایتیلمیدی.