.jpg)
غور ولایتیده ییری نینگ عایلهسیگه اوتگه یاندیریلگن قیز آته- آنه سی، قیزیمیز قاتللری محکمه بولمه گونگه قدر، اونی جسدینی توپراققه تاپشیریش اجازهسینی بیرمیمیزدیگن.
14 یاشر زهرا، غور ولایتی نینگ فیروزکوه تومنی یشاوچیسی، نیچه کون آلدین قینتهسی خیلی قویلیدن اوتگه یاندیریلگن ایدی، اوتگن کون توشدن کیین کابل استقلال کسلخانهسیده جان بیردی.
حاضر زهرانینگ آته-آنهسی کابل علاوالدین پارکیده تحصن قیلیب خیمه تیککن.
زهرانینگ آتهسی محمداعظم نینگ سلاموطندارگه ایتیشیچه، قیزی اوتگه یاندیریلمسدن آلیدن قینته خیلی تامانیدن نیچه مرته کلتکلنگن.
اونگه کوره، زهرانینگ تورت آیلیک گمانگه بالهسی بولگن و رحمسیزلیک بیلن اوتگه یاندیریلگن.
اوتگه یاندیریلگن قیز آتهسی نینگ ایتیشیچه، قاتللر جسدنی کسلخانه دن چقاریب توپراققه تاپشیریشگه تلاش قیلهدی تا قیزینی قضیهسی سورهلمسدن یاپیق قالسه.
زهرانینگ آتهسی، قیزینی قاتللری محکمه بولمه گونگه قدر، جسدنی کسلخانهدن چیقارمیمن دیدی.
.jpg)
زهرانینگ آنهسی تازهگل هم تحصن خیمهسینی تیکیب، قیزی بارهسیده عدالت برپا بولیشینی ایستهیدی. او، حکومت اینیقسه جمهور رییسدن زهرا قاتللری جزالنیشینی ایستهیدی.
زهرانینگ آنهسی، او ییری و بالهلری اولیمگه تهدید بولگن و ایتیشیچه، بولرنی بارگیدیک جایلری هم یوق.
مدنی فعاللردن ویدا ساغری زهرانینگ آته-آنهسی یانیده تحصن چادریده اولتیریب سلاموطندار بیلن قیلگن صحبتده ایتیشیچه، زهرانینگ قتلیگه قولی بولگن آدملر محکمه و جزالنیشی لازم.
بو مدنی فعال، زهرا قاتللری جزالمنه گونگه قدر، تحصن خیمهسی جایده قالهدی دیدی.
