.jpg)
ترکیه‌ده نتیجه‌سیز کودتادن کیین بیرینچی مرته سوزگه چیقیش قیلگن مذکور مملکت جمهور رییسی رجب طیب اردوغان‌نینگ ایتیشیچه، ترکیه‌ده اوچ آی گچه شاشلینچ وضعیت بولیشی ممکن و او، دموکراسی اساسیده تنلنگن جمهور رییس و حربی باش قومندانی صفتیده، اوشبو مملکت اداره‌لری و امنیتی تشکیلات‌لردن ویروس‌لرنی یوق ایته‌دی.
اردوغان‌نینگ ایتیشیچه، ترکیه دولتی قومندانلری‌نینگ قدرتی‌نی آشیره‌دی و حربی‌نی قومندانلر خذمتی‌گه کیریته‌دی. اونینگ کوپه‌یتیریشیچه، ترکیه اوز مقصدلریگه ایریشیش اوچون دموکراسی اصول‌لریدن هیچ بیرینی آیاق آستی قیلمه‌یدی.
ترکیه جمهور رییسی‌نینگ ایشانچ بیریشیچه، خلق خواطری اوچون هیچ بیر دلیل یوق و شونینگ‌دیک، اوتمیش‌لر کبی اوشبو مملکت‌ده تینچلیک و برقرارلیک تأمین بوله‌دی و کوچلی مملکت صفتیده منطقه‌ده حضور تاپیشی ممکن.
.jpg)
کمیده بیر هفته آلدین، ترکیه حربی‌سی‌دن بیر قسمی کودتا قیلگن ایدی، بیراق ساعت اوتمس‌دن بو کودتا مغلوبیت‌گه روپه‌ره بولدی. کودتاچی کوچلر بیلن پولیس کوچلری توقنه‌شووی نتیجه‌سیده، 290 دن آرتیق کیشی هلاک و باشقه 1400 کیشی یره‌لنگن.
اوشبو واقعه‌دن کیین، ییریک افسرلر و قاضی‌لر شامل 6000 دن آرتیق کیشی کودتاده قولی بارلیک‌که عیب‌لنیب قولگه آلیندی، کمیده 600 اوقول رخصت بیریلیب و دولت ایشچی‌لریدن مینگ‌لرچه‌سی ایش‌دن بوشه‌تیلدی.
شونینگ‌دیک، اردوغان‌نینگ ایتیشیچه، احتمال باریچه نماینده‌لر کینگشی، دار جزاسی‌نی قانون‌گه کیریته‌دی. دار جزاسی 25 ییل‌دن بویان ترکیه‌ده عمل‌گه آشیریلمه‌یدی. اوشبو جزا 12 ییل آلدین، میلادی 2004- ییل‌ده، رسمی شکلده مذکور مملکت قانونی‌دن چیقاریلدی.
