افغانستان مخدر مادهلرگه قرشی کورهش وزیرلیگی‌نینگ بلند مرتبه‌لی رسمیلری، میلادی 2015- ییل نینگ حسابات‌لری اساسی‌ده مملکت‌ده 3.6میلیون کیشی مخدر ماده‌گه بیریلگن.
مخدر مادهلرگه قرشی کورهش وزیری خانم سلامت عظیمی، بوگون (یکشنبه) کابل‌ده مخدر ماده‌گه قرشی کورهش ملی سفربرلیک هفته‌سی مناسبتی بیلن اوتکزیلگن ییغین‌ده چیقیش قیلیب، مخدر ماده‌لرنی ایشله‌ته دیگن‌لر یاشی کمه‌یشی عرفه‌سیده یاشلر و بلاغت گه ییتمه‌گن گودک‌لر بو اولدیروچی کسل‌لیکه دوچارلر دیگن.
خانم عظیمی، قشاقلیک، آچلیک، کسل‌لیک، سوادسیزلیک، مخدر ماده‌لر زیانی توغریسی‌ده اهالی نینگ معلوماتی بولمه‌گنی، دایمی مهاجرت، فرزندلر تربیه له‌نیش اوچون خانه‌لرنی اعتبار بیرمس‌لیگی، نا برقرالیک و اوروش یاش‌لرنی مخدر مادهلرگه یوز توتیش‌لری‌نینگ بیرینچی و اساسی عاملی دیگن.
اونینگ ایتیشیچه، افغانستان آرقه‌لی مخدر ماده‌لر نا قانونی تجارت ایتیلیشی میلیونلب دالر درآمد قیله‌دی و مخدر ماده‌لرنی خلق مافیا ترماق‌لری مخدر مادهلرگه بیریلگن‌لر سانینی آشیریش بیلن کوپراق فایده کسب قیلیش‌گه حرکت قیله دیلر.
شونینگ‌دیک مخدر مادهلرگه قرشی کورهش وزیری افغانستان دنیانینگ 65% مخدر ماده سینی ایشلیب چیقاریشنی اوزیگه اختصاص‌لشتیرگن بو رقم ایسه 11 % نی کمگن لیگینی کورسته‌دی.
جمهور رییس‌نینگ ایکینچی اورین باسری محمدسرور دانش ییغین ده اشتراک قیلیب ایتیشیچه، مخدر مادهلرگه قرشی کورهش اوچون اساسی تدبیر آلگن دیدی. مخدر مادهلرگه قرشی کورهش قانونی طرح ایتیلیشی، کوکنار ایکیلیش آلیدینی آلیش و ایشلب چیقاریش، ساتیش و صادر قیلیش منع ایتلیشی اساسی تدبیرلردن دیگن.
عین حالده، جمهور رییس‌نینگ ایکینچی اورین باسری، دنیا بازارلریده مخدر ماده‌گه نسبتن‌طلب آشگن لیگی، بو پدیده گه قرشی مبارزه قیلیش اوچون منطقه‌ده هماهنگ‌لیک یوقلیگی، اروش دامی، بودجه و امکانیت آزلیگی بو مساله حل ایتیلمس لیگی اوچون ییریک معمالردن بولگن لیگینی بیلدیرگن.
