مملکت اقتصاد وزیری عبدالستار مراد، افغانستانده صناعت فابریکهلرنی ایشگه توشیریش اوچون ییترلی برق قوتی یوقلیگی باعث، ایچکی سرمایه یاتقیزوچیلر مملکتدن تشقریده 80 میلیارد دالر سرمایه یاتقیزگنلر دیدی. او، بوگون (دوشنبه) برشنا شرکتی ولایتی رییسلرنینگ آلتینچی مجلسیده سوزلب ایتیشیچه، مملکتنینگ اداری و مالیاتی سیستمیدهگی قیینچلیک افغانستان خصوصی ادارهسی اوچون باشقه بیر معما حسابلنهدی دیگن.
افغانستان کیلهجکلرده برق ایشلیب چیقاریشی اوچون خوشبینلیک کورستگن اقتصاد وزیری، هنوز هم مملکت برق قوتی نطقه نظردن اوز ایاغیگه توره آلیشی و بوتون اویلر و فابریکهلر برق بیلن تامین لهنیشی هلی ایرته دیگن.
برشنا شرکتینینگ باشلیغی قدرتالله دلاوری، برشنا شرکتی ولایتی رییسلری نینگ عمومی مجلسیده بو شرکت قرشیدهسیده بولگن معمالر اوستیده بحث گه آلینیب تیکشیریلهدی دیگن.
اونینگ سوزلریگه کوره، ییغینده جاری بیر ییل مابینیده قول قوییلگن کیچیک و کته لایحه بارهسیده معلومات بیریلهدی. بو ساحه اوچون نظرده توتیلگن اوزگریشلر هم مصلحتگه آلینهدی دیدی دلاوری.
برشنا شرکتینینگ باشلیغی، افغانستان حاضرگی کونده اوزی ایشلب چیقاره دیگن ایچکی برقدن تشقری 400 میگاوات برقنی تاجیکستان، اوزبیکستان، ترکمنستان و ایرن کبی قوشنی دولتلردن کیلتیریشینی تیلگه آلگن. اونینگ معلوماتیگه کوره، کابل یشاوچیلری ییلده 500 میگاوات برق صرفلیدیلر؛ لیکن، قیشده ایسه 700- 800 میگاوات برققه احتیاج سیزیلهدی دیگن.