سلاموطندارنینگ اجتماعی گزارشلری دوامیده، دولتی و نادولتی ادارهلرده جنسی بیزاته قیلینگنلردن آلینگن صحبتلر خاص شکلده برچه صحبت قیلگنلر اسمی مستعار طرزیده؛ لیکن حکایتلری حقیقتدن کیلیب چیقهدی.
الهام: ایش جایلری جوده هم بوزیلگن. اویدن تشقری ایشلب بولمهیدی، ایشلهگن صورتده، جنسی و ناتوغری حرکتلرگه روپهره بولهسیز. ایرککلر، عیاللرنی تینچ قویمهیدیلر. مین ایکی دولتی ادارهدن ایش سورهدیم. رویخط فورمنی تولدیرگنیمدن کیین، بیرینچی باسقیچده تلیفونی خلقتلر باشلندی. هر کیم کوریب و کورمسدن تلیفون رقمیمنی فورمدن آلیب قونغیراق قیلردی. ینه بیربار بیر نادولت ادارهدن ایش سورهدیم. نیچه دقیقه ادارهده بولگنیمده دفتر ایشچیلریدن بیری مینگه تیکیلدی؛ عمر بوییچه خاتین کورمهگن گه اوخشردی. بو ییر مینی جاییم ایمسلیگینی سیزگنیمدن کیین، دفتردن چیقدیم، عین حالده فیسبوکیمنی تاپیب، دوستلیک ایستهگی یوباردی. مین هم ایسته گینی رد قیلدیم. بیراق پیام یوللش باشلندی. شونچهلیک شخصیتسیز بولگنی باعث، بلاک قیلدیم. افغانستانده بیز عیاللرنینگ روزگاری شو دیر. مین بوتون ایشانچیمنی قولدن بیرگن من.
عارفه: کمیده بیش ییلدن بویان ایریم میدیالرگه ایشلهیمن. بیش ییلده کوپینچه مسئلهلرگه روپهره بولدیم و اچیق ایستدهلیکنی باشیمگه قالدیرگن. معنالی و یمان قرهشلر، جوده یمان حرکتلر، اوتکیر و جنسی سوزلر و حتی قول اوریش، بولرنی برچهسیدن یمان ایستدهلیگیم بار. بیر مرته همکسبلریدن بیرینینگ یمان تکلیفی باعث، سیوگن ایشیمدن وازکیچدیم. شونینگدیک، اوتگن ییل تصویری میدیالردن بیریده یخشی ایش تاپدیم. نیچه آی اوتگنیدن کیین، اتاقیمده همکسبلریمنی کیلیب و کیتیشی کوپهیدی. بیر کون کیلیب مینگه سیز میکروفون ینگیزنی یخشی قویه آلمهیسیز دیدی. اوندن کیین، تینچلیکده قولینی بوینیمگه سورکب قصدی بولمهگنینی بیلدیردی؛ ایرتهسی ینه اوشه گپ و ایشینی تکرارلهدی؛ مین اچیقلنیب بو ایشینگ جوده یمان دیدیم. جوابیمگه اگر یخشی کورمهسنگ اوتگن کون نیمه اوچون اعتراض بیلدیرمهدینگ دیدی. بو گپنی ایشیتگنیمدن، اوشه زمان دفتردن چیقدیم و ینه قیتمهدیم.
پروین: نادولت ادارهلردن بیریده ایش تاپدیم و رویخطگه آلیش ایشلری بیلن شغللنردیم. کونده همکسبلریمدن بیری آوقت ییش چاغیده یانیمده اولتیریب قصه قیلردی. کونلردن بیریده تشقری باریب آوقت ییشنی تکلیف قیلدی؛ مین هم قبول قیلدیم، چونکه مین ایناغه دییردیم و اونگه ایشانچیم کامل ایدی. هوتلگه باریب بیر چیککهده اولتیردیک، کوردیمکه تلیفونینی میزنی اوستیگه جایلشتیرگن ایکن. اوندن کیین، قولیمنی آلیب و مینی بغریگه تارتدی. مین اوزیمنی آرقهگه تارتیب، بو ایش نیمهدیب سورهدیم؟ جوابیمگه برچه ایشیمیز تلیفونیمگه ضبط بولگن و اگر مین بیلن علاقه قورمهسنگ ویدیونی ترقتهمن دیدی. مین جاییمدن توریب تیزلیکده دفتر باردیم و عین حالده، استعفامنی دفتر باشلیغیگه بیردیم و اعتراضسیز دفتردن چیقدیم. بیراق بو لعنتی تیک تورمس ایدی. ویدیونی ترقتهمن دیب پیام یوبارردی. نتیجهده او ولایتدن قاچدیم. حاضرهم تلیفونیده ضبط ایتگن ویدیونی ترقتمسه دیب قورقهمن.
