افغانستان جمهور رییسینینگ اصلاحات و یخشی حکومتچیلیک اوچون مخصوص نمایندهسی احمدضیا مسعود قوراللی طالبلر بو ییل سونگی نفسنی تارتهدی دیگن.
جناب معسود، بوندن اون کون آلدین قوراللی طالبلر تامانیدن کابلنینگ محمودخان کوپریگی یقینیده جایلشگن اونینچی حوزهده قانلی پارتلش عملگه آشیرگن بیر چاغده تیلگه آلگن.
سابق شوروی قیزیل قوشینیگه قرشی جهادیلری پیروزلیگینینگ 24ییللیگی مناسبتی بیلن اویوشتیریلگن ییغینده چیقیش قیلگن جناب مسعود، «8- ثورنی خاطرلش، افغانستان معاصر تاریخی اوچون اولکن اهمیتگه» ایگه دیگن. او، مملکت اهالیسی و سیاستچیلردن همه بیر سانده ترورچیلرگه قرشی کورهشیشلرینی سورهگن..
احمدضیا مسعود، جنگری گروهلر مقابلیده بیفرق قالیش افغانستان ناملی جغرافیه قولدن بیریلیشگه باعث بولیشی اوستیده تاکیدلهگن. جمهور رییسنینگ یخشی حکومتچیلیک اوچون مخصوص وکیلی، عصیانچی طالبلر فعالیتیگه قرشی ملی مقاومتگه احتیاج بارلیگی توغریسیده علیحده تاکیدلهگن.
مملکتدهگی جاری ایچکی اوروشلر توغریسیده اشاره قیلگن مسعود، افغانستاندهگی بوتون نابرقرارلیک و اوروشلر پاکستاندن ایلدیز آلهدی دیگن. افغانستان امنیتی بوزیلیشده توغریدن – توغری قولی بولگن پاکستان کبی بیر مملکت بیلن مبارزهگه ییریک احتیاج بار دیدی جناب مسعود.
شونینگدیک احمدضیا مسعود، ملی بیرلیک حکومتی رهبرلریدن جهاد قوماندانلرین چیتگه چیقارمی اولردن اولکن فایدهلهنیش لرینی سورهگن.
بار- بار قوراللی طالبلرنی تینچلیک مذاکرهسیگه حاضر بولمسلیکلرینی تیلگه آلگن مسعود، حکومت هم بو مسالهگه دییرلی اعتبار بیریلمهگن لیگینی ایتگن.
جمهور رییسنینگ، ترورچیلیک فعالیتلرده قولی بارلیگی اوچون قماققه آلینگنلر عیبی عالی محکمه تامانیدن تصدیق لنگندن کیین دارگه تارتیلیشی ممکن دیگن سوزینی معقوللگن احمدضیامسعود، امنیتنی معماگه روپهره قیلگنلر برچهسی اعدام ایتیلیشیلری حقیده تاکیدهلگن.
افغانستان جمهور رییس ملی کینگشنینگ مخصوص ییغینده ترورچیلیک فعالیتلرده قولی بارلیگی گمان قیلینیب قماققه آلینگنلر عیبی عالی محکمه تامانیدن تصدیقلنگندن سونگ دارگه تارتیلیشی حکمی بیریلگنی اهالی ینه حکومت سابق بلند مرتبهلی رسملری تامانیدن خوش قرشیلندی.
عین حالده، قوراللی طالبلر اوتگن کون بیر بیانات ترقهتیب، تورمهلردهگی محبوسلری دارگه تارتیلگن حالده، تفاوتسیز قالمی هیچ قندهی سعی وحرکتدن قول تارتمسلیکیلری بارهسیده آگاهلنتیرگنلر.
