قشاق و کمبغل شخص‌لرنی مدافع وکیل‌گه قول تاپیش‌لری اوچون عدلیه وزیرلیگی بیلن آسیایی بنیادی اورته‌سیده 85.5 میلیونلیک اقش دالری بیتیم‌گه قول قوییلدی.
مملکت مالیه وزیری عبدالبصیر انورنینگ بوگون آسیایی بنیادی‌نینگ باشلیغی بیلن بیر خبری ییغینده اشتراک قیلیب ایتیشیچه، مذکور بیتیم‌گه موافق عدلیه وزیرلیگی حقوقی ومدنی قضیه‌لرده بلاغت‌گه ییتمه‌گن گودک‌لر و قشاق خانه‌دانلرگه قُولی‌لیک یره‌تیب بیره‌دی.
آسیایی بنیادی‌نینگ باشلیغی عبدالله احمدزی‌نینگ اولتیریش‌ده ایتیشیچه، اوتگن اون ییل‌ده حقوقی کومک‌لر برابریده ییریک قیینچی‌لیکلر بولگن و بو لایحه‌نی هم عمل‌گه آشیریلیشی‌دن نیت عدالت تامین ایتلیشی اوچون همکارلیک قیلیش دیر.
جناب احمدزی‌نینگ سوزلریگه قرهگنده، حقوقی کومک‌لر تینگ شکلده اجمتاعی بولیم‌گه عیبلنگن کیشی‌لرگه همکارلیک قیلیش اوچون سعی و حرکت ایتیله‌دی. شونینگ‌دیک او، مذکور برنامه درست شکلده مدیریت ایتلیشی باره‌سیده خبر بیرگن.
12آی ده عمل‌گه آشیریلیشی انبات‌گه آلینگن مذکور پروژه تورلی بولیم‌لر جمله‌دن توزیلمه‌لر، قانون، عملیاتی و اجرایی، حقوقی مساعدت‌لرنی تیکشیره‌دی. موجود معمالر برطرف ایتلیشی اوچون معین تکلیف‌لرنی ایلگری سوره‌دی.
مذکور برنامه‌دن مقصد حقوقی مساعدت‌لر بولیمی‌گه یاردم قیلیش اوچون عدلیه وزیرلیگی گه مناسب بیر لاحیه دیر و افغانستان حکومت اساسی قانوننی 31 ماده‌سی یخشی تطبیق ایتیلیشی اوچون همکارلیک قیله‌دی.
اساسی قانون نینگ 31 ماده‌سی‌گه موافق، عیبلنگن کیشی مدافع وکیل آلیش اوچون مالی امکانیت‌گه ایگه بولمه‌گن حالده، دولت اونگه مدافع وکیل آلیش اوچون مجبور.
قیتریب بیریلمی دیگن مذکور لایحه‌نینگ مالی امکانیتی دنیا بانکی تامانیدن توله نیله‌دی.
