کابل یشاوچی‌لری پایتخت‌ده ناتینچ‌لیک‌لر میزانی آشگنی توغری‌سیده خواطر بیلدیره‌دی. زوره‌وانلیک، چونتک کیسیش و موبایل اوغیرلش یشاوچی‌لرگه اونچه‌لیک غیر معمول کورینمه‌یدی؛ بیراق تاکسی‌لردن ایش آلیب قورال‌لیک اوغیرلش و موتر سایکل‌لردن ایش آلیب قطار شخصیت‌لرنینگ ترور قیلیش یشاوچی‌لرنینگ خواطرگه سالگن. هیچ بیر پیاده کیشی تینچلیک‌ده یوره آلمه‌ی و شونینگ‌دیک هیچ بیر سواره قورقینچ سیز مقصدی‌گه ایریشمه‌یدی.
پایتخت یشاوچی‌لریدن بیری میوند سیاوش‌نینگ ایتیشیچه، کیچه ساعت 8 اطرافیده ترافیک چهار راهی‌ده ایناغه‌سی‌نینگ موتری دن توشیب و تاکسی موترگه مینیب سرای شمالی‌گه تامان یول آلگن. یولده هیداوچی‌نینگ یانیده اولتیرگن کیشی تفنگچه چیقاریب و شونینگ‌دیک سیاوش‌نینگ یانیده اولتیرگن کیشی بیچاق‌نی اونینگ بوینیگه باسیب بار و یوقی‌نی چیقاریشینی ایسته‌گن.
سیاوش‌نینگ ایتیشیچه، نیچه دقیقه تارتیشوودن کیین، جانی‌دن قورقیب چانته‌سی و موبایلی‌نی اوغیری‌لرگه تاپشیرگن. قورال‌لیک اوغیری‌لر تورتینچی حوزه یقینی‌ده نیچه مرته اَیله‌نیب سیاوش‌نینگ بادام باغ منطقه‌سیده قوییب یوباریب و اوزلری محل‌دن قاچگن‌لر.
شونینگ‌دیک، جاوید ناملی اوقووچی‌نینگ سلام‌وطندارگه ایتیشیچه، کیچه قارانغوده کوته سنگی منطقه‌سیدن اویی‌گه تامان قیته‌یاتگن چاغیده، کورینیشیچه تاکسی یولاوچیسی بولگن نیچه ایرکک تامانیدن آزارلنگن. جاویدنینگ ایتیشیچه، یانیده اولتیرگن کیشی بوغزیدن بوغیب و باشقه بیری بیچاق‌نی چیقاریب اوندن بار پولی و قیمت بها نرسه‌لرینی چیقاریب اولرگه تاپشیریشی‌نی سوره‌گن.
تاکسی یولاوچی‌لری، جاویدنینگ چونته‌گینی بوشتگنی‌دن کیین، اوزاق بیر منطقه‌ده اونی توشیریب اوزلری یوقاله‌دی.
ساده دُکاندارلردن بیری واحد هم شهری جنایت‌لر توغری‌سیده حکایت قیله‌دی. اونینگ ایتیشیچه، اویی‌گه قیته‌یاتگن چاغیده بیر تاکسی‌گه مینه‌دی. یول اورته‌سیده هیداوچی موترنی توخته‌تیب موتر بوزیلدی دییدی. شونینگ‌دیک، واحد موتردن توشه‌دی. بیراق عین حالده، باشقه بیر موتر یانیدن اوتیب بار پولی‌نی چنگاللب قاچه‌دی.
اوشبو واقعه‌لرنی برچه‌سی اوتگن نیچه هفته جریانیده یوزبیرگن. شونده‌ی بیرحالده، کابل امنیه قومندانی نیچه کون آلدین خبری بیر انجمن‌ده، سونگی آلتی آی‌ده جنایت‌لر 36 فایز کمه‌یگنی‌دن خبر بیرگن ایدی. کابل امنیه قومندانلیگی‌نینگ سوزلاوچیسی بصیر مجاهدنینگ سلام‌وطندارگه ایتیشیچه، اوتگن ییل‌نی ایکینچی آلتی آیی‌گه قره‌گنده جاری ییل‌نی بیرینچی آلتی آی‌ده جنایت میزانی انچه کمه‌یگن و شونچه مدت‌ده 318 کیشی شهری جنایت‌لرگه عیب‌لنیب قولگه آلینگن.
بیراق، نارسمی حکایه‌لر باشقه نرسه‌لرنی آچیقله‌یدی. کابل یشاوچی‌لری، کم بغل‌لیک، ایش‌سیزلیک میزانی آشگنی، قره‌مه قرشی‌لیک‌لر و زوره‌وانلیک‌لر آشگنینی پایتخت‌ده جنایت رقمی کوپه‌ییش دلیل‌لریدن دیب بیله‌دی.
