بغلان ولایتینینگ یشاوچیلری، اوتگن (دوشنبه کون) بیر ییغینده، مذکور ولایتنینگ اوروش تامانلریدن تینچ اهالینینگ اولدیرمسلیکلرینی سورهگن.
بغلان ولایتینینگ مرکزی بغلان تومنی، دندشهاب الدین، دندغوری منطقهلریده اوروش قربانلری، یشاوچیلری، ولایتی کینگش نمایندهلری و مدنی فعاللرینینگ رقمی چمهسی 2500 کیشیگه ییتیشیب آگاهلنتیریشیچه، حکومت بیلن طالبلرنینگ اورتهسیدهگی اوروشده تینچ اهالی قربانلیگی دوام ایتگن صورتده، باشقه تینچ تورمهیدیلر.
اوشبو ییغیننی کوزهتووچیسی عبدالقدوس ترهخیلنینگ ایتیشیچه، دندغوری توغریسیده طالبلر بیلن قول قوییلگن کیلیشوودن کیین، بغلان اوروشی شدتلنگن و حاضر تینچ اهالیدن قربانلیک آلهدی.
طالبلر ارا دندغوری توغریسیدهگی کیلیشووگه کمیده بیش آی آلدین، چیگرهلر وزیری گلاب منگل تامانیدن قول قوییلگن ایدی و اونگه اساس، بغلان مرکزیگه یقین دندغوری منطقهسی دولت تامانیدن طالبلرگه تاپشیریلدی.
شوندهی بیرحالده، جناب ترهخیل، خلقدن بغلان اوروشینی خاص بیر قومگه نسبت بیرمسلیگینی سورهب و مدنی حرکتلرنی یولگه قوییب ایستکلرینی دولتگه تکلیف قیلیب و بیر سیس بیلن اوروشدن بیزار بولگنلرینی ایتگن. اونگه کوره، بو اوروش ایریم سیاسی جریانلرگه تیگیشلی بولگن.
شونینگدیک، اوشبو اعتراضچیلر بغلان اوروشینینگ بدرغهلری و قربانلری توغریسیده دولت دقت سیزلیگیدن تنقید قیلهدی. اولرگه کوره، بغلان اوروشیده مینگلرچه عایله بدرغه بولگن و حکومت حاضرگچه بو عایلهلرگه دقت قیلمهگن.
اعتراضچیلردن بیری محمدجبار انصاری، حکومت باشلیغلریدن تنقیدقیلیب و اولردن بغلان اوروشینینگ بدرغهلری و قربانلری توغریسیده دقت قیلیشلرینی سورهگن.
بغلان ولایتینینگ دندغوری منطقهسیده طالبلرگه قرشی حربی عملیات، کمیده بیر آی آلدین، بغلان ولایتینینگ دندشهاب الدین منطقهسیده طالبلر برق پایهلریدن بیرینی ییقیتگنیدن کیین، باشلندی. بیراق، امنیتی کوچلرنینگ اوشبو عملیاتی اونچهلیک نتیجه بیرمهدی.
مذکور منطقه یشاوچیلری و مدنی فعاللریدن بیرقطارینینگ ادعاقیلیشیچه، اوشبو اوروشده حاضرگچه 150 تینچ اهالی هلاک بولگن، 600 دن آرتیق کیشی یرهلنگن، یوزلرچه اولتیریش اوی و 35 مسجد بوزیلگن.
