بغلان ولایتی‌نینگ قوم بویوک‌لری و مدنی فعال‌لریدن بیرقطاری‌نینگ ایتیشیچه، مذکور ولایت‌ده امنیتی کوچلر بیلن قورال‌لی طالب‌لر اورته‌سیده یوزبیرگن اوچ هفته‌لیک اوروش جریانیده 125 تینچ اهالی هلاک بولیب و باشقه 650 دن آرتیق کیشی یره‌لنگن.
اوتگن (پنج‌شنبه کون) کابل‌ده اوتکزیلگن خبری ییغینده مذکور ولایت‌نینگ قوم بویوک‌لریدن بیری خیرالله شینواری‌نینگ ایتیشیچه، حاضرگچه مرکزی بغلان، دندغوری، دندشهاب‌الدین و پلخمری شهری‌نینگ بیشینچی ناحیه‌سیده اوروش دوام ایتماقده. اوشبو قوم بویوکی‌گه کوره، تینچ اهالی قربان‌لریدن 40 ته‌سینی عیال‌لر و باله‌لر تشکیل بیره‌دی.
جناب شینواری‌نینگ ایتیشیچه، اوشبو توقنه‌شوولر نتیجه‌سیده، مذکور منطقه‌لردن 17 مینگ عایله بدرغه بولگن و 30 مینگ‌دن آرتیق عایله‌نینگ حیاتی خطرگه روپه‌ره بولیب تورگن.
قوم بویوک‌لریگه کوره، مسجدلر، ساغلیک مرکزلری و مکتب‌لر قوشیمچه یوزدن آرتیق اوی بوزیلگن.
اوشبو ییغینده سوزگه چیقگن بیلیم یورت استادی و مدنی فعال فیض محمد زلاندنینگ، حکومت‌نی دقت سیزلیک‌که عیب‌لب ایتیشیچه، اوروش جنایتچی‌لری دولتی اداره‌لریده مقام‌گه ایگه بولگن و مقام‌لریدن فایده‌لنیب نسل اولدیریشنی باشله‌گن.
اوشبو ییغین اشتراکچی‌لری بیر 9 ماده‌لیک شرطنامه صادر ایتیب بغلان اوروشی یکونله‌نیشی، بدرغه‌لرگه یاردم بیریلیشی، رواجلنتیریش لایحه‌لر عمل‌گه آشیریلیشی و مذکور ولایت‌ده ناقانونی قورال‌لی کیشی‌لر فعالیتی باشقریلیشی‌نی سوره‌گن.
بغلان ولایتی‌نینگ دندغوری منطقه‌سیدن قورال‌لی طالب‌لرنی تازه‌لش اوچون اون بیش کوندن بویان کینگ حربی عملیات یولگه قوییلگن؛ بیراق حاضرگه‌قدر اوشبو عملیات نتیجه‌سیز بولیب و حکومت اونی یکونلنتیره‌آلمه‌گن.
مدافعه وزیرلیگی سوزلاوچیسی اورین باسری دولت وزیری‌نینگ ایتیشیچه، قورال‌لی طالب‌لر خلق‌دن سپر صفتیده فایده‌لنه‌دی و اوشبو موضوع سبب تینچ اهالی قربانلیگی کمه‌ییشی خصوصیده، عملیات سُست‌لیک بیلن ایلگری باره‌دی.
