مملکت ایکینچیلیک و سوولنتیریش وزیرلیگینینگ بلند مرتبهلی رسمیلری، افغانستان اهالیسینینگ 1.57میلونی آذیق آوقت خوفسیزلیگی یوق.
بوگون (سهشنبه) وزیرلیکنینگ مسووللری آوقت خلق ارا کونی مناسبتی بیلن اوتکزیلگن ییغینده مملکت خلقی نینگ2.5 میلونی قشاقلیکده حیات کیچیرهدی دیگنلر و یاردم کورستووچی تشکیلاتلر 2.1 میلیون کیشیگه کمک قیلهدی.
ایکینچیلیک و سوولنتیریش وزیرلیگینینگ اورین باسری میر امانالدین حیدرینینگ سوزلریگه کوره، دنیا بویلب بیر میلیار انسان کمبغللیک و قشاقلیکده حیات کیچیرهدی و اولرنینگ 87%نی قیشلاق اهالی تشکیل ایتهدی.
جناب حیدرینینگ سوزیگه کوره، اورتهچه افغانستان اهالیسینینگ 7.3 میلیونی آذیق آوقت خوفسیزلیک تهدیدی بیلن روپه ره و ییترلی درجهده درآمدلری یوق.
جناب حیدری، ایکینچیلیک وزیرلیگی آذیق آوقت مصونیتی اوچون مناسب برنامهلرنی تطبیق ایتیب، قشاقلیک و کمبغللیک نی کمیتیریش اوچون جدی آدیملر کوتارگنلیگینی ایتگن.
(WFP) یا دنیا آذیق آوقت تشکیلاتینینگ اورین باسری گوردون گریکنینگ معلوماتیگه کوره، مذکور تشکیلات اهالی قشاقلیکدن چیقاریلیشی اوچون معین برنامه نظرده توتگن. جناب گریک، اوشبو تشکیلات نینگ لایحهسیگه موافق 2010- ییلگه هیچ بیر کیشی قشاقلیکده قالمسلیگی ممکن دیگن.
باشقه تاماندن سوو برق وزیری علی احمد عثمانینینگ سوزلریگه کوره، جامعهنی تورلی معمالرگه دوچار قیلووچی قشاقلیکنی آلدی آلینیشی کیرهک. اونگه کوره، قشاق جامعه هیچ بیر لحاظدن مصون ایمس.
عثمانی، قشاقلیک توغریدن- توغری امنیتگه باقلیق و مملکت خلقی وضعیتی یخشیلنگن حالده، خوفسیزلیک هم تامین ایتیلهدی.
تحلیلچیلرگه کوره، ایشسیزلیک و قشاقلیک مملکت قطار یاشلرینی دولت قوراللی مخالفلرینینگ صفیگه قوشیلیشگه باعث بولهدی. ایشبیلرمانلر، دولت مذکور یاشلرنی ایش جایلری بیلن تامینلهگن حالده، اولر سیره هم ترورچی گروهلر صفیگه قوشیلمی دیلر.
