امریکه تشقی ایش‌لر وزیرلیگی اوزی‌نینگ ییل‌لیک گزارشی‌نی نشر قیلیب، دنیا نینگ 200 دولتی‌ده مذهبی چیکلاوولر همده مذهب ایرکین لیگی نقض ایتیلیشی باره‌سیده خبر بیرگن و وزیرلیک دنیانینگ کوپچیلیک دین‌گه احتیاجی بارلیگی‌نی ایتگن.
اوتگن کون (چهارشنبه) امریکه تشقی ایش‌لر وزیری جان کری تامانیدن ترقه‌تیلگن گزارش‌ده ایتیلیشیچه، هر ییلی دنیانینگ کوپچیلیک مملکت‌لریده میلیونلب مسیحی، مسلمان، هندو و باشقه دین‌لرنی ایزداشی وحشت و قورقو طفیلی اوز مملکت‌لرینی ترک قیلیش‌گه مجبور بوله‌دیلر.
شونینگ‌دیک امریکه تشقی ایش‌لر وزیرلیگی 2014- ییلده‌گی مذهبی چیکلاوولر باره‌سیده یازیشیچه، دنیانینگ ایریم مملکت‌لرده انسان حق و حقوقلری آیاق آستی ایتیلگن.
امریکه تشقی ایش‌لر وزیری جان کری‌نینگ تاکیدله‌شیچه، بیر- بیراونی تن آلمس‌دن یشش دنیا نینگ هر بیر نقطه‌سیده انسان‌لر اوچون جدی قیین‌چیلیک توغدیره‌دی.
امریکه تشقی ایش‌لر وزیرلیگی‌نینگ قول‌گه کیریتگن گزارش‌لریده قید ایتیلیشیچه، میانمار، برما، چین، اریتره، شمالی کوریا، سودان، سعودی عربستان، ترکمنستان، اوزبیکستان و ایران دولت‌لریده میلادی اوتگن ییل‌ده انسان حق و حقوقلری کوپراق آیاق آستی ایتیلگن.
عین حالده، امریکه تشقی ایش‌لر وزیرلیگی هر ییل انسان حق و حقوقلری ایاق آستی ایتیله‌دیگن دولت‌لر رویخطی‌نی اعلان قیله‌دی.
شونینگ‌دیک مذکور رویخط‌نی اعلان قیلگن جان‌کری، دنیا ترورچی گروه‌لرینی معلوم قیلیب، اسلامی دولت گروهی اورنی‌ده «داعش» سوزینی تیل‌گه آلگن. جناب جان‌کری القاعده، الشباب و بوکو کرام گروه‌لرینی اینگ افراطی حرکت‌لر ایکن لیگی‌نی معلوم قیلگن.
اونگه کوره، مذکور گروه‌لر اسلام و انسانیت‌گه ضد عمل قیله‌دی. کری، مذکور افراطی حرکت‌لر انسانلرنی گاه‌سیز قماققه آلیب اولدیریلیشی‌دن خواطر بیلدیرگن.
افغانستان هم داعش، القاعده و طالب‌لر حرکتی کوپ فعالیت قیله‌دیگن مملکتلر جمله‌سیدن.
