میزان آیینینگ 5-سی (یکشنبه) کابل وقتی بیلن توننینگ یریمیده آی ییر سایهسیگه غرق بولهدی و نجومی بیر پدیده – خسوف یا آی توتیلگنلیگی کورینهدی. بوتونلی آی توتیلگنلیگی یکشنبه آقشامی امریکهنینگ کوپچیلیک شهرلریده کوزهتیلیشی ممکن. اما کابل قوشیمچه افغانستان ایریم شهرلری و اروپا و افریقاده دوشنبه کونینینگ بیرینچی ساعتلریده سیزیلر و سیزیلمس شکلده آی توتیلگنلیگی معلوم بولهدی.
قیزیغی بوندهکه مذکور آی توتیلیش (Super Moon) یا بدر آیی کوزنینگ دستلبکی کونلریگه توتیلیشگه توغری کیلگن. یعنی آی خسوف زمانیده ییرگه اینگ یقین مصافهده بولیب نهایتده ییریک بولیب کورینهدی. مذکور ابر آی یا بدر آیی 2015- ییلده اینگ ییریک بوتون آی دیر. ابر آی زمانیده آی توتیلیشی کمیدن کم یوز بیرهدی. بوتون آی سونگی مرته ابر آی زمانیده 1982ییلده یوز بیرگن و ینه بیر نوبت ایسه 2033- ییلده یوز بیریشی ممکنلیگی چمهلنگن.
اورتهچه آی بیلن ییرنینگ فاصلهسی 386 مینگ کیلو متر؛ لیکن یکشنبه کون شامده ییرنینگ بو همدملیگی آی توتیلگنده 356876 کیلو متر ییردن فاصله آلهدی و نهایتده ییردن 8 % کته بولهدی. اما سیز بو تفاوتنی سیزهسیزمی یوق بیللی ایمس؟
اوشبو نجومی پدیدهنینگ تماشاچیلری امریکهنینگ یریم شرقیده آی توتیلگنلیگینی بوتونلی کوریشی ممکن، اما شرقی ایالتلرده حیات کیچیرهدیگنلر آی طلوع قیلگنده یریم آی توتیلگنلیگیگه گواه بولهدیلر. بیراق اروپا و افریقاده استقامت قیلووچیلر دوشنبه کونی تانگ وقتی بیلن ساعت 2 ده اویقودن اویغانیب اوشبو نجومی پدیدهنی کوریشلری ممکن.
بوتونلی آی توتیلیش بدر آییده ییر، قویاش و آی دقیقا بیر توغری خطگه تینگ کیلگنده یوز بیرهدی. خورشید یاروغی (خطوط سفید) ییر اتموسفیری بیلن توقنهشیب نهایتده بوکیلیب قیزل توسگه اوزگرهدی. سونگ آی سطحیگه ییتهدی و قیتهدن ییر تامان تاولنهدی و اوشبو واقعه سبب بیر نوع قیزیل توسنی اوزیگه آلهدی.
آی توتیلیشی یا خسوف اورتهچه 2 -3 مرته ییلده یوز بیرهدی و ییرنینگ هر بیر نقطهسیده آی آسمانده افقده بلند بولهدی. بوتونلی بعضن هم ایریم حدودلرده یریم کورینهدی. اما آی ایلنمهسی ییر اطرافیده 5 درجه سیارهلر گردشیدن کوپ بولهدی. بو وقتده هر آی، آی توتیلیشیگه گواه بولهمیز. مذکور فرقلی 5 درجه بوتونلی آیگچه، هر آی ییر سایهسینینگ اورتهسیدن ایمس بلکه اوندن نیچه درجه یوقاریده تورهدی.
لیکن یکشنبه کیچهسی آی سیاره آرتیدن اوتیش بیلن ییرنینگ ایچکی سایهسیگه کیرهدی و او ایسه قارانغو سایه دییلهدی. قارانغو سایهده قویاش یاروغ لیگینی بیر قسمی اونگه ییتهدی. بو ایسه اوشه اتموسفیردن اوتگن یاروغلیک قیتهدن قیزل توسگه اوزگرهدی. در واقع یاروغلیک قرانغولیکده ترقهلیش بیلن آینینگ سیماسیگه سُست توس بیریب بیر نوع توپراقلی رنگگه اوزگریب کورینهدی.
آی توتیلیشنینگ زمانی فرقلی دیر. اوشبو آی توتیلیش اوچ ساعتدن آرتیق دیر و 1 ساعت 12 دقیقه آی بوتونلی ییرنینگ سایهسیگه قرار تاپهدی. اما افغانستانده ایسه خورشید طلوع قیلگنده جزیی شکلده آی یاروغلیگینی کوزهتیش ممکن.
اوشبو جدول دنیا و کابل وقتی بیلن یکشنبه کونی آی توتیلیش زمانی
حادثه | (28 سپتمبر) دنیا وقتی | کابل وقتی | کابلدن کوزهتیش |
یاروغ سایه باشلنهدی | ایرتلب ساعت 12 و 11 دقیقه و 47 ثانیه | ایرتلب ساعت 4 و 41 دقیقه و 47 ثانیه | بلی |
جزیی آی توتیلیش | ایرتلب ساعت 1 و 7 دقیقه و 13 ثانیه | ایرتلب ساعت 5 و 37 دقیقه و 13 ثانیه | بلی |
بوتونلی آی توتیلیش | ایرتلب ساعت 2 و 11 دقیقه و 13 ثانیه | ایرتلب ساعت 6 و 41 دقیقه و 12 ثانیه | یوق، افق قویی سیرده بولهدی |
حددن کوپ توتیلیش | ایرتلب ساعت 2 و 47 دقیقه و 9 ثانیه | ایرتلب ساعت 7 و 17 دقیقه و 9 ثانیه | یوق، افق قویی سیرده بولهدی |
بوتونلی توتیلیش مدتی | ایرتلب ساعت 3 و 23 دقیقه و 5 ثانیه | ایرتلب ساعت 7 و 53 دقیقه و 5 ثانیه | یوق، افق قویی سیرده بولهدی |
جزیی توتیلیش تمام بولهدی | ایرتلب ساعت 4 و 27 دقیقه و 5 ثانیه | ایرتلب ساعت 8 و 57 دقیقه و 5 ثانیه | یوق، افق قویی سیرده بولهدی |
یاروغ سایه تمام بولهدی | ایرتلب ساعت 5 و 22 دقیقه و 31 ثانیه | ایرتلب ساعت 9 و 52 دقیقه و 31 ثانیه | یوق، افق قویی سیرده بولهدی |
