گزارشلر اساسی‌ده، قاچقین‌لرنینگ اروپاده سابقه سیز شکلیده باریشلریدن داعش فایده‌لنیب، قاچقینلر عنوانیده اوشبو حوزه اولکه‌لریگه بارگن.
امیریکه‌لیک «سندی اکسپرس» کونده‌لیگی نینگ یازیشیچه، داعش عصیانچی‌لری اروپالیک اولکه‌لر قیغو داشلیگی‌دن استفاده قیلیب، اوزلرینی قاچقینلر ارا جایلشتیریب، تروریستی فعالیت قیلیش اوچون بو اولکه‌لرده ییتیب بارگنلر.
عین حالده بریتانیا شو سونگی‌ده قاچقین‌لردن 10 ته‌سینی قبول قیلیش‌گه تیار ایکن‌لیگی‌نی اعلام قیلگن ایدی. بوندن آلدین آلمان اولکه‌سی هم قاچقینلرگه جای بیریشگه تیار ایکن‌لیگی‌نی بیلدیرگن ایدی.
تورکیه دینگیزی قیرغاغلریدن سوری‌لیک 3 یاشر باله جسدی تاپیلیشی خبرساز بولیشی بیلن اروپالیک اولکه‌لر کوتیلمه‌گن حالده، قاچقینلرگه قرشی سیاست‌لری اوزگریب اولرگه جای بیریب کوتیب آلدیلر.
اورپالیک وکیل‌لردن بیری میشل کانینسک نینگ آگاه‌لنتیریشیچه، ییتیب کیلگن فرصت‌لردن داعش استفاده قیلیب اروپاگه ییتیب کیلیشلری ممکن. خانم کانینسک نینگ ایتیشیچه، قولده کیلگن فرصت‌لردن داعش گروهی یخشی ایش آلیب اروپاده نفوذ قیلیشدن استفاده قیله‌دیلر.
عین حالده، اونینگ بیلدیریشیچه، اروپا امنیتی و کشفی نهادلری قاچقین‌لرنینگ مذکور اولکه‌لرده کیریب کیلیشلری بیلن کوپلب توجه قیلیشلری کیره‌ک.
حاضرگه قدر استرالیاده 4مینگ کیشی و آلمان اولکه‌سیگه 10 مینگ قاچقین یول تاپیب پناه ایلتگن، اولردن کوپیسی مصر، سوریه و افغانستان اولکه‌لریدن بوله‌دی.
دنیا کاتولیکلر رهبری پاپ فرانسس نینگ اوتگن کونی اروپالیک اولکه‌لردن قاچقینلرگه یاردم بیریشلرینی ایسته‌گن.
اروپالیک اولکه‌لرده داعش نینگ ییتیب بارگن گزارشی شوپیتده ترقه‌تیلگن دیرکیم، نیچه مرته بو اولکه‌لر ییگیت‌لری داوطلب شکلیده، اوزلرینی داعش گروهیگه قوشیش نیتیده عراق و سوریه اولکه‌لری تامان بارگن‌لیکلرینی بیلدیرگن.
شو حاضر اروپالیک اولکه‌لر قاچقینلر روپه‌ره بولگن قیینچی‌لیکلرنی حل ایتیلیشینی سوره‌گنلر. گزارشلرگه کوره، آلمان 31 مینگ قاچقینگه، فرانسه 24 مینگ و اسپانیا ایسه 15 مینگ بدرغه بولگن قاچقینگه جایلشه‌دیلر.
