هرات والیسی سوزلاوچیسی احسانالله حیاتنینگ سلاموطندارگه ایتیشیچه، شیندند تومنی قنقه بیرصورتده تورت تومنگه بولینیشینی تیکشیریش خصوصیده هرات مرکزیدن بیر هیأت کیلگن. بو هیأتگه محلی ارگانلر ادارهسی، ایچکی ایشلر وزیرلیگی و مرکزی احصاییه ریاستی نمایندهلری شامل بولگن.
سونگی کونلرده مملکت جمهور رییسی شیندند تومنی امنیت وضعیتینی تیکشیریش و شونینگدیک، مذکور تومن بولینیشی توغریسیده مناسب لایحه توزهتیش اوچون هرات ولایتیگه سفر قیلگن ایدی.
جناب حیاتنینگ ایتیشیچه، یوباریلگن هیأت، ایکی کوندن بویان مذکور تومن جمعیتی و جغرافیایی وضعیتینی تیکشیرماقده، بو مسئله یخشی صورتده تیکشیریلگنیدن کیین شیندند نفوذگه اساس بولینهدی.
عین حالده، هرات ولایت کینگشی تومنلر ایشلری بوییچه امنیتی ترماغ مسوولی عبدالرحمان پدرامنینگ سلاموطندارگه ایتیشیچه، جمهور رییس شیندند تومنی مدنیتچیلری و قوم بویوکلری بیلن اوتکزگن صحبتیده، ینگی تومنلر اوچون تورت آت جملهدن ابراهیمخیل، زیرکوه، آبکل و عزیزآبادنی بیان ایتکن، بیراق شیندند تومنی قوم بویوکلری و مدنیتچیلری بو آتلرنی قومی و سمتیدیب اونگه قرشیلیک کورستکنلر.
جناب پدرامگه کوره، هرات مدنیتچیلری و شیندند تومنی قوم بویوکلری، مذکور تومن سابق آتی «اسفزار» و اونی مرکزی «سبزوار» نی قیتهدن قوییلیشینی سورهگنلر. اونینگ کوپهیتیریشیچه، بوتوغریده حاضرگه قدر جمغرمه تشکیل ایتیلمهگن، بیراق هرات مدنیتچیلری، مذکور ولایت تورت ینگی تومنی اوچون تاریخی و معنالی آت سیلهنیشی خصوصیده سعی و حرکت قیلماقدهلر.
جناب پدرامنینگ ایتیشیچه، هرات مدنیتچیلری حاضرگچه، مذکور ولایت ینگی تومنلری اوچون اوچ آت جملهدن اسفزار، سبزوار و بیهق آتلرینی کوزگه توتکن.
شونینگدیک هرات شهری یوللریده آت قویهدیگن ترماغ مسوولی استاد آصف رحمانینینگ سلاموطندارگه ایتیشیچه، نیچه آی آلدین جمهور رییس هرات ولایتیگه قیلگن سفری چاغیده، اوشبو ترماغ اعضاسی شیندند ایکی تومنی اوچون سبزوار و اسفزار آتلرینی جمهور رییسگه تکلیف قیلگن. جناب رحمانیگه کوره، حاضرگچه بو ایکی آتنی تأیید یا تصدیقلنگنی خصوصیده هیچ بیر خبر کیلمهگن. اونینگ کوپهیتیریشیچه، مذکور تومن تورت تومنگه بولینگن صورتده، هرات مدنیتچیلری کمیده ایکی تومن آتینی قوییشگه قرار قیلگنلر.
تاریخ اساسیگه، دستلب شیندند تومنی آتی سبزوار یا اسفزار ایکن، کیین ایسه زمان اوتیشی و چیگرهلر تعیین بولگنیدن سونگ، بو تومن ایکی بولینگن و بیر قسمی ایران توپراغیگه قوشیلگن. نتیجهده بو تومننی بیرقسمی افغانستان توپراغیگه تیگیشلی بولیب، اوشه زمان حاکمی تامانیدن شیندند آتیگه قوییلگن.
