بوگون دوشنبه وزیرلر کینگشیده سوزلشگن ملی بیرلیک حکومت اجراییه رییسی، افغانستانده جنایت همده اوروش نی دوام ایتیره دیگنلر برچهسی پاکستان دولتی تامانیدن جهازلهنیشلرینی ایتگن. جناب عبدالله نینگ پاکستان سیاستی بارهسیده اشاره قیلیب ایتیشیچه، افغانستان حکومتی هر دایم اوز سوزلری همده حرکتیده ثابت بولیب، پاکستان بیلن متقابل سیاست اساسیده همده او مملکتدن ایچکی مسالهلرگه ارهلشمسلیگینی سورهگن دیگن.
تاسف بیلن اظهاراتلرینی معلوم قیلگن اجراییه رییسی، اوتگن اون آیده افغانستان صادقانه همکارلیک قیلیشیگه قرهمی لیکن پاکستان سیاستیده جنگریلرنی حمایت قیلیش همده ترورچیلر مرکزینی او مملکتده نابود قیلیش اوچون اوزگریش کیریتمهگن دیگن.
شونینگدیک تینچلیک مذاکرهلر بارهسیده اشاره قیلگن جناب عبدالله، نظرده توتیلگن تینچلیک مذاکرلر پاکستان آرقهلی سوء اسعتمال ایتیلمسلیگی خصوصیده تاکیدلب، بو جریانیده هیچ بیر زمان پاکستان فایده لهنیشگه رخصت بیریلمدی دیگن.
اجراییه رییسی ملااخترمحمد منصورنی، طالبلر حرکتی سابق رهبری ملاعمر کبی جنایتچی بولگنلیگینی ایتگن. ملامنصورنینگ نیتی افغانستان گناهسیز خلقینی قانگه بوییشدن تشقری ایمس دیر. او سوزلری جریانیده تینچ لیک مذاکرهلردن طالبلر سیاستی بارهسیده ایتیشیچه، مذکور گروه کوندوز کونی پاکستانده رهبرلرینی تعین قیلیش اوچون ییغین الهدیلر. باشقه تاماندن اوزلرینی پاکستانگه تیگیشلی ایکنلیکلرینی هر دایم رد قیلیب کیلهدیلر دیگن.
شونینگدیک ملی کوچلر ایچیده جاسوسلر جای آلگنلری بارهسیده اشاره قیلگن جناب عبدالله عبدالله، مدافعه، ایچکی ایشلر وزیرلیگی همده ملی خوفسیزیلیک ادارهلری ملی کوچلر ایچیده موجود جاسوسلرنی تیزده معلوم قیلیب تازهلیشی لازم دیگن. ملی خاینلر ملی پولیس همده ملی اردو حوصلهسینی سوءاستعمال قیلیب ایرکین شکلده حیات کیچیرهدیلر. ایریم شخصلر جنایتنی مدافعه قیلیب و حتا بعضی وقتلرده قیغوداشلیک قیله دیلر.
اجراییه باشلیغی اوز سوزلری پایانیده امنیتی کوچلرنینگ جان فشانلیکلریدن منتدارچیلیک بیلدیریب، اولردن فقط منتدارچیلیبک بیلدیریش ییترلی ایمس، بلکه اولرنی حیاتی یخشیلهنیشی اوچون برچه امکانیتلردن فایدهلهنیش ضرور. بو حقیده تاسف بیلدیرگن عبدالله، ملی کوچلر یرهلنگندن نیچه کون اوتیب اولرنی کوریشگه باریش خطا دیب، بیز هر کون ملی کوچلرنی حمایت قیلیب اولرنی یانیده بولیشیمیز لازم دیگن.
