قوراللی طالبلر قندوز ولایتیدهگی ایکینچی ییریک کوپریکنی بوزگنلر. اوشبو کوپریک قلعهذال ولسواللیگینینگ چهار دره دریاسی اوستیده قوریلگن. خبرنی تصدیقلهگن قلعهذال ولسوالی محبوبالله سعیدینینگ ایتیشیچه، مذکور کوپریک اوتگن کون قوراللی طالبلر تاماندن بوزیلگن.
ایتیلیشچه، منقطقهده قوراللی طالبلر ملی کوچلر عملیاتینی توختهتیش اوچون اوشبو کوپریکنی بوزیب تشلهگن. مذکور کوپریکنی 120 متر اوزونلیگی و 7 متری اینی بولگن.
ایتیلیشیچه، افغان ملی کوچلری قلعهذال ولسواللیگینینگ آق تیپه منطقهسی یقینیده طالبلرگه قرشی اوروش قیلیش نیتده بولگن بیر چاغده مذکور کوپریک جنگریلر تامانیدن تخریب ایتیلگن.
افغانستاننی تاجکستان بیلن باغلاووچی ییریک کوپریک قندوز ولایت آمو دریاسینینگ اوستیده قوریلگن. شونینگدیک اوتگن کون قلعهذال ولسواللیگینینگ ایریم منطقهلری جنگری طالبلر نظارتیگه اوتگنی ایتیلهدی. هنوزگچه قوراللی طالبلر تامانی مدیاگه بو توغریده بیرار نرسه دیمهگن.
سونگی وقتلرده قوراللی طالبلرنینگ هجومی میزانی آشگن، فقط سونگی هفته جریانیده مذکور حرکت تامانیدن مملکتنینگ ایریم ولسواللیکلریده هجوم عملگه آشیریلگن.
جاری ییل باشلنیشی بیلن قوراللی طالبلر بهاری هجوملرنی عملگه آشیریش بارهسیده آگاهلنتیریب، مملکت بولیب ملی کوچلرگه قرشی جنگگه دوام بیرگنلر. گزارشلرده، افغان ملی کوچلری حاضرگی کونده مملکتنینگ کوپچیلیک ولایتلریده جنگریلر بیلن اوریشیب کیلماقده.
