افغانستان الف کریکت تیمی نینگ اویین‌چیلری، سریلانکا تیمی بیلن ایریم مشق‌لرنی اوتکزیش اوچون بو مملکت‌گه جونه‌دی افغانستان کریکت بورد تیمی بوگون بیر خبری ییغین‌ده 21 کونلیک اوشبو سفرده اون آلتی کیشی‌نینگ نامینی اعلان قیلدی. مذکور رویخط‌ده نجیب ترکی، عثمان‌غنی، غمی زدران، کریم صادق نماینده صفتیده. لیکن قسیم اوریاخیل و افسر زازی‌گه اوینگه اشراک قیلیش اوچون فرصت بیریلگن.
مملکت کریکت بوردنینگ بیر خبرنامه‌گه یازیشیچه، افغانستان کریکت تیمی نینگ اویین‌چیلری مذکور سفر ده تورت کونلیک ایکی اویین و 50 آورلیک تورت کونلیک اویین نی میزبان مملکت بیلن اوتکزه‌دی.
افغانستان الف تیمی‌نینگ ترکیبی‌ده سابق و ینگی کریکت اویین‌چیلری بارلیگی ایتیله‌دی.
تعین ایتیلگن الف تیمی‌نینگ اعضالری رحمت‌الله شاه‌زرمتی، نجیب‌الله زدران، نورالحق ملکزی، افسرخان زازی، قسیم اوریاخیل، ناصرجمال احمدزی، حشمت‌الله شهیدی، فریدملک، سیدشیرزاد، ظاهرخان، نورعلی زدران، عبدالله عادل، شبیرنوری، یامین احمدزی، حمزه ختک و ضیاالحق عیساخیل‌لردن عبارت.
کریکت تیمی‌نینگ اویین‌چیلر تخنیکی اورگه‌نیش کورگن‌دن سونگ سریلانکاگه سفر قیلماقده.
خبرنامه‌گه کوره، افغانستان کریکت الف تیمی‌گه جناب احمدزی مربی‌لیک قیله‌دی. شونینگ دیک خالقداد نوری، و اندی مولزدلر اورین باسریلیک قیلیشی ایتیله‌دی.
افغانستان کریکت بورد تیمی بو هفته اوتکزگن ییغین‌ده، مملکت ملی کریکت تیمی اوچون هر ییلده اوچ بار تشقی سفر یره‌تیلیشی نی بیلدیرگن.
شونینگ‌دیک ملی کریکت تیمی‌نینگ مسؤوللری اویین‌چیلر ایچیدن اینگ قابلیت‌لیسی افغانستان ملی کریکت تیمی اوچون تنلنه‌دی دیگن‌لر.
عین‌حالده، افغانستان کریکت بورد مسؤوللریگه کوره، افغانستان، ایرلند و زمبابوی اوچ تامانلمه اویین‌لری میلادی جاری ییل نینگ اکتبر آییده زمبابوی میزبان‌لیگی‌ده اوتکزیله‌دی. بوندن آلدین مسؤول‌لر اوشبو اویین سپتامبر آییده اوتکزیلیشی‌دن خبر بیرگن ایدی‌لر.
کریکت بورد اجرایی رییسی شفیق الله استانکزی نینگ خبرچی‌لرگه ایتیشیچه، مملکت ملی کریکت تیمی ریجه لنگن لایحه اساسیده کیلگوسی آی‌لرده سیناوولی اوینلرنی اوتکزیش نی باشلیدی.
اونینگ ایتیشیچه، افغانستان ملی کریکت تیمی و زمبابوی تیمی بیر کونلیک بیش اویین 20 آورلیک اوچ کونلیک اویین‌لرنی عرب امرلیک‌لریده اوتکزه‌دیلر. اما، او مذکور اویین‌لر وقتینی انیق معلوم قیلمه‌گن.
کریکت بورد اجراییه رییسی گه کوره، افغانستان همده ایکینچی درجه‌ده تورگن مملکت‌لر تاریخی‌ده بو بیرینچی مرته ایکینچی درجه‌ده بولگن تیم اوز شخصی هزینه‌سی بیلن سیناولی مسابقه‌نی اوتکزه‌دی.
شونینگ‌دیک جناب استانکزی افغانستان وپاکستان کریکت تیمی توغریسیده سوزله‌شیب، جاری ییل سونگی آیلریده اویین کیلیشووی امضالنه‌دی دیگن.
کریکت بورد اجراییه رییسی گه کوره، یقین وقت‌لرده هندوستان دولتی بو خصوصده اوز همکارلیک‌لرینی باشلیدی. اما، هندوستان‌نینگ قنده‌ی همکارلیک قیلیشی هنوز بیللی ایمس.
