هجوم بوگون ایرتلب قندوز ولایتی خان آباد ولسوالیگی نینگ آقتاش منطقهسیده کمیده اون قیشلاققه اویوشتیریلگن.
خان آباد ولسوالیگی اجراییه آمری قدرتالله صافی نینگ سلام وطندارگه ایتیشیچه، هنوزهم آغیر قوراللی اوروش جریانی بار.
حاضرگه قدر مذکور اوروشده ملی پولیس نینگ اوچ عسکری هلاک بولیب و باشقه اوچ طالب اولدیریگن. ایتیلیشیچه، مذکور ساحه ده برچه مسوولیتی بولمهگن قوراللی شخصلر طالبلرگه ضد فعالیت قیلهدی. محل یشاووچیلری قوراللی طالبلر بوگون ایرتهلب دن پشرولیک قیلگن لرینی ایتگنلر.
عین حالده، طالبلرنینگ سوزلاووچیسی ذبیح الله مجاهد گه کوره، مذکورگروه بوگون توشگه قدر اون بیش قیشلاق نی تصرف قیلگن. شونینگدیک ییتی قوراللی شخص قوله گه آلینگن لیگینی ادعا قیلگن ذبیح الله مجاهد.
آقتاش منطقه سی قندوز ولایتیده نا برقرار قیشلاقلردن حسابنلهدی.
ایتیلیشیچه، دشت ارچی مرکزی هم قوراللی طالبلر تامانیدن تصرف ایتیلگن. شونینگدیک گزارشلرده، بوگون قوراللی طالبلرنینگ مذکور منطقه گه قیلگن هجومی نتیجهسیده آقتاش منطقهسی نینگ یوزلب عایلهسی اوز ییش جایلریدن آواره بولگنلر.
قوراللی طالبلرنینگ مذکور هجومی یقینده افغانستان حکومتی و طالبلر اورتهسیده تینچلیک مذاکرهلر اوتکزیلیشی بارهسیده گزارشلر ترقه تیله یاتگن بیر چاغده عملگه آشیریلهدی. ایتیلیشیچه، مذاکره پاکستان «مری» شهریده اوتکزیلهدی.
شونینگدیک اولتیریشنینگ اساسی موضوعی قوراللی طالبلر بیلن افغانستان حکومتی اورتهسیده آتیش کیسین اعلان قیلیش مسالهسی دیر.
