دنیا فوتبال تیرمه جماعه بیرلیگی (فیفا) تامانیدن جاری میلادی ییل جولای آییده ترقهتیلگن ینگی درجه بندلیگیگه کوره، افغانستان فوتبالی 17 درجه یوقاری کوتریلیب و آسیا قارهسیده 20- اوریننی ایگلهگن.
افغانستان فوتبال تیرمه جماعهسی، بو یوقاری کوتریلیشی بیلن دنیا درجه بندلیگیده، 134- اورینده قرار تاپگن و افغانستان امتیازلری 212 گه ییتیشدی.
افغانستان فوتبال فدراسیونینینگ ایتیشیچه، افغانستان فوتبال تیرمه جماعهسینینگ 17 درجه یوقاری کوتریلیش دلیلی، اوشبو تیرمه جماعهنینگ میلادی 2018- ییل دنیا جامی دستلبکی بیلشوولریده یخشی اوینهشی دیر.
بو اویینلرده افغانستان ملی فوتبال تیرمه جماعهسی، کمبوج ملی تیرمه جماعهسی برابریده یخشی اویین کورگزمهده قویگن.
افغانستان ملی فوتبال تیرمه جماعهسی، کمبوج باشکینتی «پنوم پن» شهریدهگی سپورت میدانیده اوتکزیلگن اویینده کمبوج تیرمه جماعهسینی بیر گول اورگن ایدی.
افغانستان ملی فوتبال تیرمه جماعهسی آلمانیلیک اسلوان اسکیلزیج باشقرویده حاضرگهقدر یخشی یوتوقلیکلر قولگه کیریتکن.
جناب اسکیلزیجنینگ بیرینچی کون مربی گرلیگی دوامیده ایتیشیچه، افغانستان فوتبالیده اساسی اوزگریشلر کیلتیرهدی.
افغانستان ملی فوتبال تیرمه جماعهسی جنوبی آسیا فوتبال تیرمه جماعهلری ایچیده بیرینچی اورینده توختهگن.
