برتانیا چاپیده بولگن گاردین کوندهلیگی، شو سونگی کونلرده ترقهتگن گزارشیگه یازیشیچه، اوشندهی که حامد کرزی 9 آیدن بویان باشقه جمهور رییس ایمس، اما اولکه سیاسی صحنهسیده اوزینی آلدینکی دیک قالیش اوچون ینه هم کورهشیب کیلماقده.
بوکوندهلیک حامد کرزینینگ سیاسی حرکتلرینی «افغانستاننی ثبات سیز قیلیش اوچون کورهشیش» دیگن.
گاردین گه کوره، جناب کرزی اوز دورهسیده افغانستاننی خلق ارا یاردمچی اولکه لربیلن یمان کیلیشیک قیلگنلیگی سبب، بو اولکه لردن کوپیسینی قولدن بیرگن ایدی و ایندی کرزی قولده کیلگن فرصتدن ایش آلیب قیتهدن سیاسی وضعیتنی اوز نفعگه اوگریش اوچون حرکت قیلهدی.
بوگزارشگه کیلیشیچه، افغانستان حاضرگی جمهور رییسینینگ کون اوتیشی بیلن محبوبیتی آزهیب بارماقده و سیلاو دوره سیدهگی وعدهلری عملگه آشیریلمهگنلیگی و پاکستان بیلن تینچلیک سوزلهشیش سیاستی، ینه بیربار حامد کرزینی اوز نفعگه ایشلهش اوچون زمینه یرهتگن.
گاردین غربی دیپلوماتلردن بیرینینگ سوزلریدن نقل قیلیب، آییلر آلدین حامد کرزی ملی بیرلیک حکومتینینگ ضعیف قیلیب سقوط بیریش قصدیده چیقگن ایکن دیگن.
هرحالده حامد کرزی حکومتی پایان تاپیشی بیلن انیق سیاسی موضعلربیلن ملی بیرلیک حکومتینینگ تنقید قیلیشمهگن بولسه هم قوشنی اولکهلر جملهدن چین، روسیه و هند اولکهلریگه آلدیندن ایتیلمهگن سفرلری باعث، ملی بیرلیک حکومتیگه قرشی اولکه سیاسی حلقهلری بیلن بیرگه ینگی ایشلرینی باشلهدی دیگن سوزلر چیقیب قالگن.