یونان سالیق وزیری یانیس واروفاکیس، قرض بیروچیلر مذاکره‌سیده حضور کیلتیرمسلیگی اوچون اروپا گروهی قرشی‌لیگی باعث بوگون دوشنبه وظیفه‌سیدن چیکیندی.
جناب واروفاکیس‌نینگ تویتر صحیفه‌سیده یازیشیچه، اروپالیک مذاکره‌چیلرنینگ بیرقطار اعضاسی اونینگ مذاکره‌ده حضور کیلتیریشی‌گه راضی ایمس ایکن.
اوشبو یونانی‌لیک رسمی، اوتکن کون یونان خلقی اوتکزگن هرتامانلمه سوره‌شده، مذکور مملکت مقابلی‌ده اروپا بیرلیک اقتصادی سیاستی‌گه قرشی آوازبیرگن بیرچاغده وظیفه‌سیدن وازکیچگن.
اوشبو هرتامانلمه سوره‌شده، آواز بیروچیلردن کمیده 63 فایزی، اقتصادی ریاضت سیاستی و اروپا شرکت‌لری قرض بیریش مسئله‌سیگه قرشی آوازبیریب رد ایتکنلر.
اروپانینگ کینگش باشلیغی دونالدو توسک‌نینگ ایتیشیچه، سه‌شنبه کونی یونان قرض‌لرینی تیکشیریش خصوصیده اروپا بیرلیگی دولت‌لر باشلیغ‌لری بیلن بیر ییغین اوتکزیلیشی ممکن و بو اولتیریش‌ده، یونان‌نینگ یورو حوزه‌سیده قالیشی اوستیگه بحث اوتکزیله‌دی.
یونان‌نینگ سونگی هرتامانلمه سوره‌شیدن کیین، یورو ارزشی مالی بازارلرده جوده‌هم قویی کیلگن.
یونان میلادی 2008- ییل اقتصادی قیینچی‌لیک‌دن کیین، مالی جهتدن قیینچی‌لیک‌که دوچ کیلیب اروپا بیرلیگی قرض بیروچیلری و قرضه‌لریگه باغلیق بولیب قالدی. مذکور مملکت یورو حوزه‌سی‌نینگ مالی یاردم‌لری قیته تیکلنیشی اساسی شرط‌‌لریدن بیری اقتصادی ریاضت سیستمه‌سینی عمل‌گه آشیریش ایدی؛ بیراق الکسیس سیپراس رهبرلیگی‌ده‌گی سریزا حزبی اورته‌گه کیلیب و سونگی هر تامانلمه سوره‌ش اوتکزیلگنیدن کیین، اقتصادی ریاضت برنامه ریجه‌سی یونان دولتی تامانیدن قرشی آواز آلیب رد ایتیلدی.
