اوشنده‌یکه اوغیرلگن یولاوچیلرنینگ 19 ته‌سینی قویب یوباریلیشی‌دن بیر آی اوته‌دی، اما حاضرگچه هم بویولاوچیلردن 12 ته‌سی طالب‌لر قولیده قالگن و کورینیشیچه، حکومت و مدنی نهادلر تامانیدن بولرایسیدن چیقاریلیش عرفه‌سیده.
حاضرهم یولاوچیلر عایله سی‌نینگ تحصن خیمه‌سی تیکیلگن؛ مذکور خانه‌دانگه کورهَ، 19 یولاوچی قویب یوباریلگنی‌دن بیری، بولرنینگ سیسی کیشی قولاغ‌یگه بارمیدی.
علی‌محمد، بی بی عایشه و سیدجواد اوغیرلنگن 12 یولاوچی عایله اعضاسی‌نینگ سلام‌وطندارگه ایتیشلریچه، هیچ کیم بولرگه یولاوچیلری‌نینگ قه‌ییرده‌لیگی باره‌سیده بیرنرسه دیمه‌گن، قیسی زمانده قویب یوباریله‌دیلر و دولت بولرنی قویب یوباریلیشی اوچون نیمه ایشلر قول اوستیگه آلگن.
شونینگ‌دیک غزنی خلقی‌نینگ نماینده‌سی حسن‌رضا یوسفی‌نینگ سلام‌وطندارگه ایتیشیچه، قوم یاش اولوغلرینی 12 یولاوچی اوچون یوبارگن ایکن، حاضرگه قدر نتیجه بیرمه‌گن.
جناب یوسفی‌گه کوره، حاضرگه قدر اوغیرلنگن 12 یولاوچی‌دن 6 ته‌سی اوغیرله‌گنلر تامانیدن اولدیریلگن و قالگن 6 یولاوچی اورنیگه امنیتی کوچلری‌نینگ قولیده توشگن 4 چیچینلیک عیالنی قویب یوباریلیشی‌نی ایسته‌گنلر.
اما جمهورلیک ریاست سرای‌نینگ سوزلاوچیسی سید ظفر هاشمی‌نینگ سلام‌وطندارگه ایتیشیچه، اوغریلرنینگ بو ایسته‌گیدن هیچ قنقه خبرلری یوق ایکن.
بیش آی آلدین نقاب‌لیک کیشی‌لر زابل ولایتی‌نینگ شاه‌جوی تومنیدن 31 یولاوچینی موترلریدن توشیریب و اولرنی نامعلوم محله‌ده اوزلری بیلن بیرگه آلیب کیتگن ایدیلر. 76 کون اوتیشی بیلن، بولردن 19 ته‌سینی قویب یوباردی و قالگن‌لرینی تقدیردی باره‌سیده حاضرگچه انیق معلومات یوق.
