قندوز ولایتی امنیه قوماندانلیگی نینگ سوزلاووچیسی سید سرور حسینی نینگ سلام‌وطندارگه ایتیششیچه، نا تانیش قوراللی شخص‌لر تامانیدن اوغیرلنگن آلمانلیک استیفن جمعه کونی امنیتی کوچلر سعی و حرکتی نتیجه‌سیده آزاد ایتیلدی.
مذکور کیشی بوندن 40 کون آلدین قندوز و عالی آباد ولسووال‌لیگی عمومی یولیده اوغیرلنگن ایدی. ستیفن «جی ای زید» نا دولت اداره‌سی‌نینگ خادم‌لریدن بولگنی ایتیله‌دی. هنوزگچه مذکور شخص نینگ اوغیرلنگن‌لیگی باره‌سیده بیرار کیشی یا گروه هیچ نرسه تیل‌گه آلمه‌گن.
قندوز ولایتی بوندن آلدین هم ایریم چیت‌ایللیک‌لر اوغیرلنگن‌لیگی نینگ گواهی بولگن. میلادی 2009- ییل‌ده نیویارک تایمز کونده‌لیگی‌‌نینگ خبرچی‌سی «ستیفن فرل» تیلماجی «سلطان مندی» بیلن اوغیرلنگن ایدی. واقعه‌دن نیچه وقت اوتگن‌دن کیین تیلماج اولدیریلیب، ستیفن فرل قوییب یوباریلگن ایدی.
قندوز ولایتی نینگ سابق وال‌یسی عمری حادثه اوچون طالب‌لرنی مسوول دییه بیلدیرگن ایدی.
اما موضوع طالب‌لرنینگ سوزلاووچیسی ذبیح الله مجاهد تامانیدن رد ایتیلگن ایدی.
هنوزگچه هم آلمانلیک استیفن نیمه اوچون اوغیرلنگن‌لیگی و نیمه امتیاز اساسی‌ده قیته‌دن آزاد قیلینگی باره‌سیده انیق معلومات قولده ایمس.
