اوی ناننینگ توق توترلیگینی آرتیریش و لذتینی یخشیلشگه قرهتیلگن بو نان اونوتیلیب بارماقده. سببی، همه وقت هم هر بیر خانهدان جَزلی ناننینگ بوله ویرمسلیگیدیر.
جزه نینگ کویگنلرینی ایریتیب (سرهلب) شوندهی دانه – دانه لیگیچه خمیرگه قوشیلهدی. خمیر توریش بیلن توزنی ایلیق سووده ایرتیب، اُون و سوونی قیسم – قیسملب قوشیب قتیق یومشاقلیگی اورته چه بولگن خمیر قرارسیز و آشیریش مقصدیده اورهب، ایسیقراق جایگه آلیب قویهسیز.
کوپینچه خمیرنی تاغارهنینگ اوزیده مُشتلب، سونگره تخته اوستیگه آلیب، قول بیلن قَلینلیگینی 1.5-2 سانتی قیلیب یایهسیز. یامهنینگ یوزیگه تیکس قیلیب جزهنی سالینگ و خمیرنینگ بیر چیکه سیدن رولیت قیلیب اورگن. اورلگن خمیرگه جزه یخشی ارهلشیشی اوچون لولیت نینگ ایکی چیکه سیدن کفتلر بیلن یسهیسیز، بونده اونگ کفت آرقه گه، سول کفت ایسه آلدگه بیر نیچه بار حرکت قیلهدیلر.
انه شوندن سونگ 150 – 200 گرام کیله دیگن زوالهلرگه بولیب چیقه سیز. شَر شکلیده دومه لتگن زوالهلرنی اونگ قولنینگ مشتی بیلن، سونگ هر ایکیله قولنینگ کفتی و برمغالری بیلن ایریب دایره شکلیدهگی نان یسی سیز.
ناننینگ چیتلری 2 -3 سانتی متر اورته سیده ایسه 1 سانتی قَلینلیکده بولسین. هر بیر ناننینگ اورته سیده چیچک اوریب، تندیرگه یاپیب تا سینگیگونچه پیشیرهسیز.
دسترخوانگه تارتیشدن آلددین بیر آز تابینی چیقریب مستقل طعام صفتیده چای بیلن کیلتیریب ییسیز.
