افغانستان شمال شرقیگه قره شلی قندوز ولایتی نینگ امام صاحب ولسوالیگی‌ده افغان ملی کوچلری و طالب‌لر اورته سیده یوز بیرگن قورال‌لی توقنشوو عاقبتیده ایکی مینگ خانه دان اوز اوی جایلریدن آواره بولگن. کمیده بیر آیدن بیری امام صاحب ولسوالیگی‌ده اوروش بارلیگی ایتیله دی. یشش بنالریدن آواره بولگن خانه دان لرنینگ ایتیشیچه، جنگری طالب‌لر زورن عایله‌لرنی ییگولیک آذوق آوقت لرینی اله‌دی. اوروش‌دن جبر کورگن عبدالواحد، نور الدین و باشقه لرنینگ سلام وطندارگه ایتیشلریچه، طالب‌لرملی کوچلر آرقلی اوتکزیله دیگن عملیاتدن قوریقیب تینچ اهالی نینگ اوییگه پنه ایزلیدیلر. مذکور شخص لرگه کوره، برچه بار یوقلری جنگری طالب‌لر تامانیدن تارتیب آلینگن. شونینگ دیک جنگ‌ده زیان کورگن‌لرنینگ جدی کومک که احتیاج‌لری بارلیگی تاکیدلنه‌دی. اوز اویلریدن آواره ایتیلگن بو عایله‌لر اوروشگه چیده‌ش مجالی قالمه گن لیگینی نالیب ایتگن‌لر. کونده اونلب خانه دان قندوز ولایتیدن قاچیش‌گه مجبور بوله یاتگنی اظهار قیلینه دی. امام صاحب ولسوالیگی نینگ محلی رسمی‌لری اوروش جریانیده ایکی مینگ عایله نینگ آواره بولگن لیگینی تصدیق له گنلر. امام صاحب نینگ ولسوالی امان الدین قریشی نینگ بیلدیریشیچه، جنگ ده آواره بولگن‌لر ولایت مرکزی همده باشقه ولسوالیک‌که باش پنه ایزله گنلر. جناب قریشی، اوشبو عایله لرگه هنوز گچه دولت و نا دولت اداره لر تامانیدن هیچ قندی یاردم ییتکزیب بیریلمه گن لیگینی ایتگن. قندوز قاچقین‌لر ایش‌لری بوییچه اداره نینگ رییسی سید عبدالسلام هاشمی، تیزلیک ده انسان پرورانه یاردم ییتکزیب بیروچی نا دولت تشکیلات‌لر هماهنگ‌لیگی بیلن مذکور خانه دانلرگه کومک ایتیلیشی نی تیلگه آلگن. عین حالده، قندوز ولایتی نینگ محلی مسؤول‌لری، اوز اوی جایلریدن آواره بولگن‌لرگه تیزلیکده یاردم ییتکزیب بیریلیشیدن سوز بیرگنلر. اما صاحب ولسوالیگی‌ده ملی کوچلرنینگ حربی تازه‌لش عملیاتی مذکور ولسوالیک نینگ شرقی حدودیده ملی پولیس نینگ پوسته سی جنگری‌لر تامانیدن هجوم آستیگه آلینگن بیر چاغده تیزلشتیریلگن لیگی ایتیه دی. قندوز مملکت نینگ شمال شرقیده جایلشگن نا برقرار ولایت‌لر جمله سیدن.
