د هرات ولایتي شورا رییس کامران عليزي د ياد ولایت پر والي محمد اصف رحیمي تور پورې کړ، چې هغه د اداري فساد سره د مبارزې په برخه کې ناغېړي کوي او قومي مسایلو ته لمن وهي.
نوموړي زیاته کړه، چې دولت د هرات په ډيرو برخو کې حاکمیت نه لري او خلک د خپلو ستونزو هواري په موخه طالبانو ته ورځي.
د عليزي پروینا، د هرات پوځي شورا له دوه کلنو را پهدې خوا د امنیت ټينګښت او د ترهګرو ځپلو په موخه هیڅ پروګرام نه لري او دغه شورا د هرات دوالي په مشرۍ تشریفاتي غونډې جوړوي.
هرات ولایت کې اداري فساد، د کسانو ګومارنه، په نشهيي توکو روږدي کسان، پروژو په پلي کولو او دولتي ادارو کې کې ناغېړي، د خلکو غوښتونو په تړوا بېپروايي پر والي د هرات ولایتي شورا رېیس نیوکو څخه شمیرل کیږي.
عليزي زیاتوي، چې د هرات والي محمد اصف رحیمي په تړاو د فساد، بېغورۍ ځينې اسناد په واک کې لري، چې ډير ژر به يي رسنیو له لارې نشر ته وسپاري.
خو د هرات والي محمد اصف رحیمي پر ده د قومپالنې او وظیفوي غفلت تورونه ردکړل او زیاته يې کړه، چې تر دې دمه د دوی ټول کارونه د اساسي قانون له مخې پرمخ وړل کیږي.
رحیمي زیاتوي، چې د هرات ولایتي شورا تورونه به په چټکۍ سره وڅيړي.
د هرات ولایتي شورا رېیس کامران عليزي داسې مهال د هرات والي محمد اصف رحیمي په قومپالنې او ناغیړۍ تورنوي، چې ۳ ورځې مخکې نوموړي له خپلې دندې او واکونو څخه په ناوړه ګټه اخیستنه په ۹ میاشتو بند محکوم شو او د ۵۰۰ زره افغانیو په ضمانت کې بیرته له بنده ازاد کړای شو.
