د ملي دفاع وزارت د تندر قول اردو قوماندان جنرال شریف یفتلي سلام وطندار سره په مرکه کې ویلي، چې د دتېرې شنبې (د جنوري ۳۰مه) په ورځ د یو پلاوي په مشرۍ پاکستان ته تللی و.
یفتلي وویل، چې په دې سفر کې یې د پېښور د ۱۱ نمبر قول اردو له قوماندان سره د کرښې دواړو خواوو ته د ترهګرۍ پر وړاندې د مبارزې کولو په اړه خبرې وکړې.
د تندر قول اردو قوماندان وايي، چې د باور فضا په رامنځته کولو د ټینګار ترڅنګ په دې هم بحث وشو، چې د دواړو هېوادونو پوځ باید د ترهګرۍ پر وړاندې بریالۍ مبارزه وکړي.
په ورته وخت کې د پاکستان هېواد د ۱۱ نمبر قول اردو قوماندان ویلي دي، چې ترهګر د دواړو هېوادونو ګډ دوښمن دي.
دغه پاکستاني جنرال همدا ډول ویلي دي،هر هغه وسله واله ډله چې د افغان سولې له پروسې سره نه یوځای کېږي، د کرښې په دواړو خواوو کې د دغو هېوادونو د پوځ له لوري به د ګډ دښمن په سترګه کتل کېږي او له منځه به یې وړي.
په دې مخامخ لیدنه کې یفتلي ویلي دي، چې سرحدي جزتامونه، باید له یوبل سره مخامخ اړیکې ولري او د ستونزو د لرلې کولو پر مهال باید هغمږي را منځته شي.
په ورته وخت کې د خیبر پښتونخوا لیکوال او ژورنالیست رحیم الله یوسفزي هم سلام طندار ته وویل، چې تېره ورځ د پاکستان د پوځ د مطبوعاتي دفتر له خوا د دې ناستې په اړه یو اعلامیه هم خپره شوې وه.
دی وايي، چې په دې اعلامیه کې راغلي دي، دواړه لوري به یو له بل سره د ترهګرو په وړاندې د مبارزې په موخه د اړتیا پر مهال کولی شي اړیکې ونیسي.
یوسفزي زیاته کړه، چې په اعلامیه کې په دې ټیګار شوی و، چې د ترهګرو پر وړاندې د کرښې اخوا د پاکستان پوځ او دې غاړه د افغانستان پوځ مبارزه وکړي او ترهګر له منځ یوسي.
یوسفزي وویل، سره له دې چې په دې غونډه کې د ترهګرو سره د مبازې پر سر خبره شوې، خو تر اوسه پورې د پاکستان له لوري عملي ګام نه دی اخیستل شوی.
د افغانستان او پاکستان د قول اردو قوماندان په داسې حال کې د ترهګرۍ سره د مبارزې په اړه مخامخ خبرې کوي، چې د اوسني حکومت په رامنځته کېدو له سره د افغانستان او پاکستان هېوادونو تر منځ د حامد کرزي د حکومت اړیکو نوی رنګ خپل کړ او ددې اړیکو څرنګوالی د وسله والو ډلو په خلاف د مبارزې د څرنګوالي پورې تړلی دی.