بوگون 23 ییل آلدینگی داکتر نجیب‌الله حکومتی سقوط قیلیشی بیلن مجاهدلر پیروزلیگی ایدی.
مجاهدلر هدفی افغانستان‌ده اسلامی شریعت قانونلری‌نی پیاده قیلیش ایدی.
مجاهدلر خلق یاردمی بیلن 14 ییل کمونیستی حکومت‌گه قرشی کوره‌شدی و نهایت‌ده 1371- ییل پیروزلیک‌گه ایریشدی.
جهادی گروه‌لر پیروز بولگن‌دن کیین، قدرت اوستی‌گه کیلیشیک قیلمه‌دیلر و افغانستان‌ده ایچکی اوروشلر باشلندی.
مجاهدلر ایچکی اوروشلری سبب اولکه ایریم محله‌سی اینیقسه کابل‌ده ویرانگرلیک‌لر روی بیردی و مینگ‌لرچه یشاوچی‌لر اولیب یره‌لنیشلریگه سبب بولدی و اولکه داشلردن کوپی‌سی هم اولکه‌لرینی ترک ایتیب کیتیش‌گه مجبور بولدیلر.
1357- ییل 7- ثورده روی بیرگن کودتادن کیین جهادیلرنی نورمحمد تره‌کی رهبرلیگی‌گه بولگن و شوروی اتحادیه سی‌نینگ حمایتی بیلن یوزه‌گه کیلگن افغانستان کمونیست حزبی‌گه قرشی کوره‌شیشلری شدت تاپدی.
57- ییل ده‌گی کودتا داوود خان جمهوریتی‌نی سقوط قیلدی و اولکه کمونیستی حزب‌لر قولیگه تشودی.
8- ثور توغری سیده تورلی فکرلر بار. کوپی‌لر خلق کوره‌شیش نتیجه‌سی و پیروزلیک بیله دیلر و کوپی‌لر هم بدبخت‌لیک‌لر باشله‌نیشی بیله‌دیلر.
بیلیم یورت استادی داود راوش 8- ثور و مجاهدلر پیروزلیگی‌نی دولتی نهادلر اورته‌دن کیتیش عاملی بیله‌دی. جناب راوش‌گه کوره، 8- ثوردن کیین افغانستان دولتی قدرتگه ایته آلمه‌دی. افغانستان کمونیستی نظامی‌نینگ سونگی رهبری داکتر نجیب‌الله ایدی، نیچه مرته جهادی گروه‌لرنی تینچ‌لیک‌گه چقیردی، اما جهادیلر جناب نجیب‌گه منفی جواب بیردیلر و نتیجه‌ده حکومت اورته‌دن کیت‌دی و جهادی گروه‌لر کابل‌نی آلدیلر.
داود راوش‌گه کوره، جهادی گروه‌لر منطقه استخباراتی اوینچاغ‌لری ایدی و شو اوچون هم داکتر نجیب بیلن کیلیشیک قیلیش‌گه موفق بولمه‌دیلر.
مجاهدلرنی کیلیشی و گروه‌لر ارا اوروشلر باشله‌نیشی بیلن بیرگه، کوپلب نظامی تجربه‌لی باشلیغ‌لر، بیلیم یورتلر اوقیتوچیلری و انجنیرلر اولکه‌نی ترک قیلدیلر. جناب راوش‌گه کوره، اولکه سوادلیک‌لریدن کوپی‌سی‌نی چیقیب کیتیش‌لری افغانستان اداره‌سینی فلج قیلیش‌گه سبب بولدی.
افغان تاریخ‌چی‌لریدن صاحب‌نظر مرادی‌نینگ ایتیشیچه، خلق اوچون جهاد یخشی نتیجه بیرمه‌دی.
مرادی‌گه کوره، مجاهدلر بیر برنامه‌لی حکومت قوریش‌گه موفق بولمه‌دیلر و اقتصادی و اجتماعی قیین‌چیلیک‌لرنی حل ایتیش اوچون هیچ برنامه‌سی یوق ایدی.
جناب مرادی‌نینگ کوپه‌یتیریشیچه، مجاهدلر ایچی‌ده قوشنی اولکه‌لر نفع‌گه ایشلب تورگن حلقه‌لرباعث، افغانستان‌ده حکومت توزه‌تیش اوچون ناکام قالدیلر.
مجاهدلر1371- ییل 8- ثور ده داکتر نجیب‌الله حکومتی‌نی 14 ییل مبارزه قیلیش‌لری بیلن سقوط بیردیلر و اوندن کیین اوز پیروزلیک‌لرینی اعلام قیلدیلر.
