هرات ولایتی‌نینگ اونلب یشاووچی‌سی بوگون کابل‌ده نمایش اوتکزیب، مذکور ولایت 74 کونده 74 ترور واقعه‌سیگه گواه بولگن لیگینی ایتگن‌لر. اولر، اهالی‌نینگ حوصله‌سی پیر بولگن لیگینی بیلدیرگن‌لر. اعتراضچی‌لر مساله اوچون حکومت جدی اعتبار قرته‌تیشنی طلب ایتگن‌لر.
اعتراضچی‌لر "جمهور رییس مملکت‌نینگ اقتصاد قطبی قانگه چومیلدی" و "ترور یوق دیینگ!" شعارینی تیل‌گه آلیب، ولایت‌لریده امنیت تامین ایتیلیشی‌نی سوره‌گن‌لر.
نماینده‌لر مجلسی‌نینگ اعضاسی غلام فاروق نظری نمایش‌ده، میلیونلب جمعیتی بولگن ولایت تیزیم توزیلیشی‌گه هیچ قنده‌ی حقی بولمه‌گن‌لیگینی ایتگن. هرات مملکت نینگ 33% بودجه‌سینی تامین قیلیش‌نی ایتگن نظری، بو ولایت امنیتی اوچون اونچه‌لیک اعتبار بیریلمه‌دی دیدی.
شونینگ‌دیک جناب نظری، حکومت بو مساله اوچون قتیق چاره تدبیر کورمه‌گن حالده، اهالی 24 – حوت قوزغلانینی تکرار قیلیش‌لری باره‌سیده آگاهلنتیرگن.
قطعنامه ترقگن اعتراچی‌لر، نابرقرارلیک، ترور، سرمایه قاچیش، قیشاقلیک و ایش‌سیزلیک هرات‌ده داد اوره‌دی دیگن‌لر.
اولر، حادثه‌ده قولی بولگن‌لر اوشله‌نیب جزاله‌نیشی اوستی‌ده تاکید ایتگن‌لر. شونینگ‌دیک نمایشچی‌لر ولایت‌ده امنیت تامین ایتیلیشی اوچون حکومت حل یول قدیریب، هرات‌ده ملی کوچلر سانی آشیریلیب زمانوی قورال اسلحه بیلن جهازلنیش‌لرینی باره‌سیده تاکید قیلگن‌لر.
نمایش‌ده اشتراک قیلگن‌لر هرات افغانستان اقتصادیاتی‌نینگ بیر پایله حسابلنه‌دی دیگن‌لر. اولر، ولایت‌ده ترقیات لایحه‌لر عمل‌گه آشیریلیشی اوچون حکومت هیچ قنده‌ی سعی حرکت نی ایه مسلیگی لازم دیدیلر.
عین حالده، نمایشچی‌لر اقتصادی ییریک لایحه‌لر جمله‌دن سلما توغانی، صنعت شهرچه‌سی، هرات اسلام قلعه، تورغندی و هرات – بادغیس یول‌لریگه جدی اعتبار بیریلیشی حقیده اورغوله‌گن‌لر.
هرات اهالیسی، ولایت‌نینگ بیر قنچه بلند مرتبه‌لی رسمیلری‌نینگ فسادگه قولی بارلیگینی هم تیل‌گه آلگن‌لر.
هرات مملکت‌نینگ ییریک ولایت‌لریدن حسابلنه‌دی. بو ولایت اخیرگی وقت‌لرده آدم اوغیرلش و ترور واقعه لری‌گه گواه بولیب کیلماقده. بوگونکه اعتراضچی‌لر اوتگن ایکّی آی ایچی‌ده فقط ولایت مرکزیده 16 مورد آدم اوغیرلش رویطخ‌گه آلینگن دیگن‌لر.
