اجتماعی ترماقلرده کمپاین یولگه قویگن‌لرنینگ ایتیشیچه، مملکت‌ده کوپینچه پوللر اوغیرلنگن، بیراق جناب ابراهیمی 5.4 میلیون افغانی تالان قیلگنینی تَن آلیب و تیزلیک‌ده بو پول‌نی دولت خزانه‌سیگه تاپشیره‌دی.
سکیز آی آلدین، فساد و تالان قیلیش‌گه نماینده‌لر کینگشی باشلیغی عبدالرؤوف ابراهیمی و دبیرخانه باشلیغی خدای‌نظر نصرت‌نینگ قولی بارلیگی توغریسیده گزارشلر ترقه‌تیلگنیدن سونگ، جناب ابراهیمی معلومات بیرمس‌دن بو تالان گه قولی بارلیگی‌نی تَن آلدی.
نماینده‌لر کینگشی باشلیغی، مذکور کینگش بودجه‌سیدن کمیده 5.4 میلیون افغانی‌نی اوی کراسی، دفتر و اوی اوچون نمایشی نرسه‌لرگه صرفله‌گن و بو موضوع میدیاگه چیققنیدن سونگ، اوز جونته‌گیدن بو پول‌نی دولت خزانه‌سیگه تاپشیریشی توغریسیده سوز بیردی. بیراق، بو قضیه‌دن نیچه آی اوتگن و حاضرگه‌قدر بو پول تاپشیریلمه‌گن.
«54 لک افغانی‌نی قیتریب بیرینگ» کمپاین‌نی یولگه قویگن مجیب ضیاء نینگ ایتیشیچه، جناب ابراهیمی اهالی آواز بیریب و ایشانگن اینگ کته اداره‌نینگ باشلیغی دیر. بو کیشی وظیفه‌سیدن سوء استعمال قیلمه‌سی کیره‌ک.
بیراق، نماینده‌لر کینگشی کاتبی عرفان‌الله عرفان، کمپاین یولگه قویگن‌لردن تنقید قیلیب سلام‌وطندارگه ایتیشیچه، کیشی‌لر هرقنده‌ی کمپاین یولگه قوییشی‌دن آلدین، موضوع توغریسیده ییترلیچه معلومات آلیشی کیره‌ک. چونکه جناب عرفان گه کوره، بو پول جناب ابراهیمی‌نینگ شخصی خرجتی اوچون ایمس، بلکیم نماینده‌لر کینگشی‌نینگ امنیتی مسئله‌لری اوچون صرفلنگن و بو توغریده نماینده‌لر کینگشی‌نینگ سابق خوفسیزلیک باشلیغی غفار غورزنگ جواب بیریشی کیره‌ک و حاضر او، چیت ایل‌ده یشه‌یدی.
بو توغریده نماینده‌لر کینگشی باشلیغی عبدالرؤوف ابراهیمی و دبیرخانه باشلیغی خدای نظر نصرت‌نینگ فکرینی اورگه‌نیش اوچون علاقه قوردیک، بیراق کیین مه کیین قونغیراق نتیجه‌سیده مؤفق بولمه‌دیک.
شونینگدیک، بوندن آلدین نماینده‌لر کینگشی‌نینگ بیرینچی اورین باسری همایون همایون، نماینده‌لر کینگشی‌ده فساد موجودلیگی توغریسیده باش قاره‌لاوچیلیک‌که حجت تاپشیرگن ایدی، بیراق بو حجت حاضرگچه باش قاره‌لاوچیلیک تامانیدن تیکشیریلمه‌گن.
