بوگون «یکشنبه» ارزش‌لری 300 میلیون افغانی‌دن آرتیق تخمین ایتیلگن 29 رواجلنتیریش پروژه شرطنامه‌سیگه قیشلاقلرنی کینگه‌یتیریش وزیرلیگی، 10 ولایت‌نینگ رواجلنتیریش کینگش‌لری و خصوصی شرکت‌لر آره‌سیده قول قوییلدی.
اوشبو شرطنامه‌لرگه قول قوییش چاغیده قیشلاقلرنی کینگه‌یتیریش وزیری مجیب‌الرحمان کریمی‌نینگ ایتیشیچه، اوشبو پروژه‌لر کنر، هلمند، ننگرهار، پکتیا، پنجشیر، لغمان، سرپل، پروان، قندوز و غور ولایت‌لریده تطبیق ایتیلیب و 6 دن 18 آی‌گچه یکونلنیب و فایده‌لنیش‌گه تاپشیریلیشی ممکن. مذکور پروژه‌لر تطبیق ایتیلگن صورتده، 86 مینگ کون ایش فرصتی یره‌تیله‌دی.
اوشبو پروژه‌لرگه کانال‌لر، سوو ییتکزیش سربندلر، جاده‌لر، استنادی و قورووچی دیوارلر، تاش دیوارلر قوریلیشی و ننگرهار ولایتی‌نینگ قیشلاقلرنی کینگه‌یتیریش ریاستی‌نی بِناسی قیته قوریلیشی شامل بوله‌دی.
جناب کریمی‌نینگ ایتیشیچه، اوشبو پروژه‌لرنینگ بودجه‌سینی کته قسمی مالیه وزیرلیگی تامانیدن و باشقه 6.2 میلیون افغانی هندوستان مملکتی تامانیدن توللنه‌دی.
کریمی‌گه کوره، 29 پروژه جمله‌سیدن 25 ته‌سی‌‌نینگ 10% بودجه‌سی اهالی تامانیدن توللنیشی کیره‌ک.
