طبیعی حادثه‌لرگه قرشی کوره‌ش بووییچه دولت نینگ وزیری، قیزیل خاچ و قیزیل آی خلق ارا فدراسیونی نینگ ییللیک گزارشی اساسیده میلادی 2016- ییلده افغانستان‌ده 100 طبیعی واقعه یوز بیرگن لیگینی معلوم قیلدی. بو حادثه‌لرده کمیده 500 انسان عالمدن اوتگن.
بوگون کابل‌ده قیزیل خاج همده قیز آی تشکیلاتی نینگ خلق فدراسیونی مسووللری بیلن خبری ییغین اوتکزگن ویس برمک، طبیعی آفتلر مدیریت ایتیلیشی اوچون افغانستان مدیریت‌سیز بولگنینی تیلگه آلگن. طبیعی حادثه‌لر مدیریت بولیشی توغریسیده اهالی هم همکار بولیشی لازم دیگن برمک.
قیزیل یریم آی و قیزیل خاج تشکیلاتی خلق ارا فدراسیونی نینگ باشلیغی فدراسیون نینگ ییللیک گزارشنی نشر قیلیب ایتیشیچه، دنیا بویلب 600 طبیعی واقعه یوز بیرگن. 32 مینگ کیشی بو حادثه‌لرده قربان بولگن. شونینگدیک 7.3 میلیارد انسان ایسه زیان کورگن.
شونینگدیک گزارش‌گه کیلیشیچه، یاردمگه احتیاجی بولگن مملکتلر اوچون 3.3 تریلون دالر کومک نظرده توتیلیشی‌گه قره‌مه‌ی، اما میلادی 2016- ییلده 0.6 مبلغ بو پول دن مصرف بولگن.
قیزیل آی و قیزیل خاج تشکیلاتی خلق ارا فدراسیونی شاشیلینچ حادثه‌لر آلدی آلینیشی مقصدیده کوپراق سرمایه یاتقیزیلیشی اوستیده تاکید قیلگن.
ییغینده زیان کوره‌دیگنلرگه تیزلیک بیلن یاردم ییتکزیب بیریلیشی اوستیده علیحده تاکید بولگن.
