80 کیلو متر اوزونلیگی بولگن گردیز- پتان یولی‌نی قیته قوریش ایشی بوندن ایکّی ییل مقدم باشلنگن ایدی. لایحه عملی بولیشی اوچون 199 میلیون افغانی صرفله‌نیشی انابت‌گه آلینگن. ولایت محلی رسمیلری مذکور یول 2 ییل ایچی‌ده قوریلیب فایده‌له‌نیش‌گه تاپشیریلیشی‌نی وعده بیرگن ایدی. لیکن، هنوز بو یول نینگ ایشی یریم بولمه‌گن.
سلام‌وطندار خبری ترماغی‌گه صحبت بیرگن پکتیا ولایت کینگشی‌نینگ باشلیغی دکترالله میر بهرام‌زوی، ولایت کینگشی مذکور یول‌نی قوریلیش ایشی استه – سیکین آلغه آلیب باریلیشی‌دن محلی حکومت‌گه شکایت قیلیشی‌گه قره‌می، بیراق هنوز هم لایحه نینگ ایشی دییرلی تیزلیشتیریلمه‌گن دیگن.
پکتیا ولایت کینگشی‌نینگ باشلیغی، بو یول‌نی قوریش شرطنامه‌سی ولایت محلی رسمیلری بیلن نماینده‌لر مجلس اعضاسی اورته‌سیده امضا چیکیلگنی باعث مساله اوچون کیشی اعتبار قره‌تمه‌یدی دیگن.
اونینگ سوزلریگه کوره، بو یول قوریلیش ایشی نینگ 60 % پولی آلیب صرف ایتیلگن؛ اما 300 متر صفت‌سیز استنادی دیوار قوریلگن لیگیدن تشقری هیچ بیر ایش بولمه‌گن دیدی.
عمومی یوللر بوزیلگن لیگیدن نالیگن پکتیا ولایتی نینگ یشاووچیلری، خیابانلر قیته قوریلیشی اوچون محلی رسمیلری هیچ قنده‌ی اعتبار قرتمه‌گن دیگنلر. وضعیت شونده‌ی لیگی‌چه دوام ایتگن حالده، اهالی نینگ قیین چیلیگی آشیشی ممکن.
اولر مرکزی حکومت‌دن محلی رسملرنی باسیم آستی‌گه آلیب لایحه تیزلیک‌ده تکمیل قیلینیشی سوره‌گنلر.
پکتیا ولایتی والیسی نینگ سوزلاووچیسی عبدالله حسرت، اوشبو یول قیته قوریلیب ایشی تکمیل بولیشی اوچون معین وقت نظرده توتیلگن دیگن. او، بو قیته قوریلیش لایحه شرطنامه اساسیده تکمیل بولیشی ممکن دیگن.
ولایت والیسی نینگ سوزلاووچیسی، هوا یخشی له‌ینشی بیلن گردیز – پنان یولی‌نی قوریش ایشی قیته باشله‌نیشی ممکن دیدی.
پکتیا ولایتی گردیر – پتان عمومی یولی قوریلیشی بیلن سکیز تومن نینگ بیر – بیراویگه باغلاووچی یول دییرلی تکمل بوله‌دی. 80 کیلو متر اوزونلیگی بولگن مذکور یول قوریلگن حالده، اهالی نینگ کته قیین چیلیگی حل بوله‌دی.
