.jpg)
افغانستان اوچون 1395-ییل تانیقلی یازووچیلرینی قولدن بیردی. اوشبو ییلده محمدعمر الیم بیات
اکرم عثمان، کریم میثاق، محب بارش و بارق شفیعی عالمدن اوتدیلر.
شوییلده اونلب کتاب باسیم‌دن چیقدی و یاش قلم کش ییگیت‌لردن نیچه اثر چاپ ایتیلدی.
1395-ییلده کوزگه کورینرلی حادثه‌لردن بیری اخبارات و مدنیت وزیری عبدالباری جهانی نینگ استعفا بیریشی و اورنیگه مذکور وزیرلیک معینی کمال سادات نینگ حکم سیز سرپرست تعین بولیشی ایدی.
بیراق هر ییل کیدیک 1395 ده ینه هم حکومت کتاب اوقیش فرهنگی اونیب اوسیشیدن حمایت قیلمسدن توجه سیزلیککه عیبلندی.
فاریاب بیلیمی یورتی جریده‌سی نینگ مدیر مسؤولی همده یاش یازووچی شاعر تاج‌محمد ایل‌سیور نینگ ایتیشیچه، اوتگن ییللرگه قره‌گنده، اوزبیک ادبی جامعه‌سیده کوپلب یوتوغلر کورینردی.
شوییلده‌گی یوتوغلردن بیری فاریابده خصوصی تشبثلر و فرهنگ سیور شخصلر تامانیدن اونلب جلد کتاب باسیم‌گه بیریلیشی و جامعه‌ده احتفال آلینیب ترقه‌تیلیشی دیب بیله‌دی. ایل‌سیور.
اونینگ بولرگه علاوه قیلیب ایتیشیچه، اوتگن ییللردن بوییلنی ینه بیته فرقی اوزبیک تیلیده نشرگه باشله‌گن «ایزگو و یارقین» ایکی علیهده سایتلر آچیلیشی کتته یوتوغلردن دیسه خطا ایمس.
بو یاش یازووچی، دولت نینگ اساسی قانون ماده‌لریگه اینیقسه افغانستانده‌گی برچه تیللر کوچله‌نیشی و یوکسه‌لیشی اوچون توجه‌سیزلیگینی مملکتده حیات کیچیره‌دیگن اوزبیک و تورکمن خلقلری نینگ تیللری یوقالیب کیتیشی‌گه سبب بوله‌دی دیب تشویش بیلدیره‌دی.
سناکینگشی نینگ سابق منشی‌سی سید عزیزالله الفتی افغانستان اوزبیکلری اینقیسه جوزجان ولایتیده شوییلده بولیب کیله‌دیگن کتاب وفرهنگ حقیده کتته یوتوغلر قولگه کیلگن دیدی.
جناب الفتی دولت نینگ ولایتلر بویلب نماینده‌سی بولگن اخبارات و مدنیت وزیرلیگی ریاستلری تامانیدن اینقیسه جوزجانده هیچ قنده‌ی بیر ایش بولمه‌گن و اوشبو ولایتده بولیب کیله‌دیگن فعالیتلر برچه‌سی تیل‌سیور یاشلر و قلمش ادبیاتچی استادلر همده فرهنگ‌سیور سیاسی‌لر تشویقلری بیلن بولیب کیلماقد.
سناکینگشی نینگ سابق منشی‌سی فرهنگ یوکسلیشی و یاشلرنی کتابخوانلیککه قیزیقتیریش اوچون هر 15 کونده نقد و نظر اولتیریشلری دواملی صورتده بولیب کیلماقده. همده کتاب اوقیگن یاش ییگیت‌لر و فرهنگ‌سیور یاشلر انجمنلر تامانیدن آلقیشله‌نیب ایشلریگه یره‌شه تقدیرنامه‌لر بیریله‌دی دیدی الفتی جنابلری.
ژورنالیست و یازووچی محمدعالم کوهکن نینگ ایتیشیچه، افغانستان اوزبیکلری اوچون 1395-ییل اینگ یوتوغلی و تحرک‌لی ییل بولگن ایدی، اوشبو ییل افغانستان اوزبیکلری نینگ کیله‌جک اوچون اونملی ییل بولگندی.
جناب کوهکن نینگ کوپه‌یتیرشیچه، اوشبو ییلده جمهور رییس‌لیک تامانیدن یولگه قویلگن میرنظام‌الدین علی‌شیر نوایی نینگ خلق ارا سمپوزیمی و بو اولوغوار ذات نینگ اثرلری قیته چاپ گه بیریلیشی همده شوییلده جمهور رییس نینگ بیرینچی اورین باسری جنرال عبدالرشید دوستم تامانیدن تیل سیمیناری آلینیشی اوزبیک‌لر اوچون یوتوغلردن سنله‌دی.
95 ده کتاب فرهنگی اوچاغی نامیده اویوشمه تأسیس ایتیلیشی کتاب و یاشلر اوچون باشقه بیر یوتوغ ایکن‌لیگینی تیلگه آلدی جناب کوهکن.
بیراق اخبارات و مدنیت وزیرلیگی نینگ سوزلاوچیسی صابر مومند 1395 اینگ یوتوغلی ییل ایدی دیب ایتیشیچه، اوشبو ییلده افغانستان فرهنگی اوسیشی اوچون کوپلب کنفرانس اوتکزیلگن تاریخی آبده‌لر قیته قوریش ایشلری باره‌سیده بیتیم‌لرگه قول قویلگن. جناب مومند نینگ کوپه‌یتیریشیچه، شوییلده بولگن تلاشلردن بیری 104 افغانستان باستانی اثرلری جاپاندن قیته قولگه کیلتیرماقده‌لر و حاضرگه قدر 588 باستانی اثر مملکت‌گه قیته کیلتیریلگن.
