د فاریاب ولایتي شورا مرستیال صبغتالله سېلاب وايي چې د دې ولایت د بلچراغ ولسوالي د دویم ځل لهپاره د طالبانو له لوري سقوط شوه.
ښاغلی سېلاب زیاتوي، له ۴۰ تنو زیات پولیس – چې په بلچراغ ولسوالۍ کې مېشت وو – خپل ټول تجهیزات طالبانو ته تسلیم کړي او پهخپله د پولیسو د برخليک په اړه معلومات نهشته.
له بل لوري، د ګرزیوان ولسوال ملا فیضالله سلام وطندار سره په اړیکې کې وویل چې ۴۰۰۰ طالبانو د بلچراغ ولسوالۍ له سقوطه ورورسته ګرزیوان ولسوالي محاصره کړې ده. د ده په خبره، کهچېرې افغان حکومت پهدې اړه جدي اقدام ونه کړي؛ ستره فاجعه به پېښه شي.
هاخوا تېره اوونۍ د فاریاب ولایتي ادارې پهدې ولایت باندې د طالبانو د احتمالي برید د مخنیوي لهپاره د ۲۰۰۰ پاڅونوالو د چمتو کولو خبر ورکړیو.
