خلق ارا 21- جون یوگا سپورتی‌گه نام‌لنگن کونی‌گه برابر. بوییل اوشبوکون ایلک‌بار افغانستانده کوتیب آلیندی.
اوتگن ییل هند رسمی‌لری بیرلشگن ملت‌لر تشکیلاتی‌دن بوگوننی خلق ارا دنیا تقویمی‌گه یوگا سپورتی اوچون روی خط‌گه آلینیش تقاضاسینی قیلگن ایدی.
هراتده یوگا سپورتینی کوتیب آلیش مراسمی هند کنسول‌گری مالی یاردمی و محلی رسمی‌لر قتنه‌شیشی بیلن کوتیب آلیندی.
هند اولکه‌سی نینگ هرات ده‌گی سرکنسولی حمیدکمار مشراگه کوره، بوکوننی کوتیب آلیش‌دن هدف یوگا سپورتی رایج ایتیش و مذکور تیزیم ولایت المپیک کمیته‌سی آرقه‌لی روی خط‌گه آلینیشی اوچون کوره‌شیب، بو سپورت تیزیمی‌گه یخشی‌لب تانیشیب آلیشلری اوچون تلاش‌لر بولیب باریشی‌نی تیلگه آلدی.
جناب مشرا بوکوننی کوتیب آلیش پیتی‌ده، هرکون یوگا سپورتینی بجرگن اولکه داشلر، اونلرچه کسل‌لیک‌لردن قوتیله‌دیلر و تشقی اولکه‌لر تامان مداوا قیلیش اوچون کیتیش‌گه حاجت قالمیدی دیدی.
هرات ولایت المپیک کمیته باشلیغی عبدالقیوم جامی هم بوکوننی کوتیب آلیش مراسمیده، یوگا سپورتی برچه گه تیگیشلی سپورتلردن بیری دیر و هر بیرکیشی هر بیر ییرده، حتی کیچیک محل‌لرده قیله آله‌دی سپورت قیلیشلری بیلن اوزلرینی ساغلام سقلسه‌لر دیدی.
جناب جامی‌گه کوره، مذکور سپورت، جامعه برچه قشری اوچون پیشنهاد بولگن و هرکون اوتیشی بیلن اولکه داشلر اوندن فایده‌لنیش اوچون حرکت قیلسین‌لر.
بوکون هند اولکه‌سیده هم کوتیب آلیندی. شو مناسبت‌گه باغله‌نیب بو اولکه‌ده کوتیب آلینگن سپورت مراسمیده هند باش وزیری نارندرا مودی هم قتنشگن ایدی و کوپچیلیک هند اولکه داشلری بیلن بیرلیک‌ده مذکور سپورتنی عملگه آشیردی.
ایتیش کیره‌ک 35 مینگ‌دن آشه هند اوقووچیلری و عسکرلری 35 دقیقه‌لیک یوگا حرکتینی یوللرگه چیقیب اجرا ایتدیلر.
داکترلرقیدیروویگه کوره، یوگا سپورتی انساننی کوچلنتیریش، فکری و نفس آلیش کوچینی یوقاری کوتریش، قان، شکر، یوره‌ک فشارینی کمیتیریب، سکته قیلیش آلدینی آلیشگه اونملی حصه قوشر ایکن.
ایتیلیشیچه، یوگا سپورتی خواطرلرنی باشدن چیقاریب، آسایشته‌لیک و قووانچ بیره‌دی.
یوگاسپورتی روانی وجمسی(فکری) سپورتلردن بولیب، ایلک‌بار هند اولکه‌سیده؛ هندولر تامانیدن یوزه‌گه کیلدی.
