افغانستان بوییچه بیرلشگن ملت‌لر تشکیلاتی نینگ باله‌لردن حمایت قیلووچی اداره‌سی یا-ده یونیسف نینگ ایتیشیچه، افغانستان غذایی بحران نقطه‌نظردن دنیا ده 3- اورین‌گه قرار تاپگن و اوشبو مملکت ده مینگ‌لرچه باله توییب آوقاتلنمه‌یدی و عاجل درمان‌لنیش‌گه نیازلری بار.
یونیسف نینگ ایتیشیچه، افغانستانده توییب آوقاتلنمه‌گن باله‌لرنینگ سانی 2019- ییل‌گه قره‌گنده 25% کوپه‌یگن. یونیسف نینگ گزارشی‌گه کوره، افغانستانده 2.5 میلیون باله توییب آوقاتلنمه‌یدی و بو جمله‌دن 700 مینگ ته‌سینی تیزلیک‌که درمان‌لنیشی کیره‌ک.
یونیسف نینگ غذایی بحران‌گه قرشی کوره‌ش دنیا ترماغی‌دن نقل قیلیب ایتیشیچه، افغانستانده 11.4 میلیون باله حیات کیچیره‌دی و اوشبو مملکت غذایی بحران نقطه‌نظردن دنیا ده 3- آچ مملکت‌لردن سنه له‌دی. اوشبو گزارش‌گه کوره، غذایی بحران نقطه‌نظردن یمن بیرینچی، جمهوری دموکراتیک کانگو ایکینچی و افغانستان اوچینچی اورین‌گه قرار تاپگن.
یونیسف نینگ ایتیشیچه: « باله‌لردن حفاظت قیلیش اوچون افغانستانده زیان کوره‌دیگن باله‌لرگه ییگولیک آوقات تیارلش اوچون اقدام قیلیشی‌میز کیره‌ک.»
افغانستانده دواملی اوروش باعث، کوپ قطار افغانستان‌لیک باله بیرینچی انسانی حقوق‌لردن محروم قالگن.
