ایشلهیدیگن جایی اونچهلیک یاروغ کورینمهیدی؛ ایسکی دریچهلی لایدن توزهتیلگن اویی جوزجان ولایتی مرکزی شبرغان شهرینی بیر چیککهسیده جایلشگن. یریم قارانغو اتاقلردن بیریده اولتیریب، اتاقدن تشقری صف تارتگن کسللرینینگ بیرته- بیرته چقیرهدی.
مهارت بیلن کسللرنینگ داغیگه مرحم سورتیب و تیریلرینی آستیگه دارو تزریق قیلهدی.
مراجعینلری اونینگ «قابله نجیبه» آتی بیلن تانیدی. نجیبهگه کوره، یونانی طبابتنی آتهسیدن اورگنگن. ایتیشیچه، آق و قاره داغلر (پیس)گه چالینگن کیشیلرنی اوزی توزهتگن دارولر بیلن دارولهیدی.
خانم نجیبه، حاضر دارو توزهتیش (فارمسی) بولیمیگه درس اوقیماقده. اونینگ ایتیشیچه، بو کسللیکنی دارولش طریقهسینی اوزی تاپیب و تورت ییلدن بویان تورلی اوتدن توزهلگن دارودن ایش آلیب، کمیده 70 کسلنی دارولگن.
اوشبو طبیب عیالنینگ ایتیشیچه، دارولش طریقهسی، باشقه سنتی طبیبلرگه قرشی قولی بولیب و کمیده 8 آی جریانیده کسللری ساغهییب کیتهدی.
نجیبهنینگ ادعاقیلیشیچه، آق و قاره داغگه چالینگن کیشیلر افغانستاننی هر بیر چیکهسیدن دارولش اوچون اونگه مراجعت قیلهدی. اوشبو عیالگه کوره، حاضرگچه کمیده 600 کسل افغانستان ایریم ولایتلریدن اونگه مراجعت قیلگن.
نجیبهگه کوره، شبرغان شهرینینگ داکترلری، اونینگ ایشیگه قرشیلیک قیلهدی، بیراق مذکور طبیب مراجعینلرینینگ سانی کم بولمهیدی. اونگه مراجعت قیلگن کسللر ایچیده، کابل و پاکستانگچه سفر قیلیب، چاره تاپمهگن کیشیلرهم موجود.
نجیبه تامانیدن نیچه مرته دارولنگن کیشیلردن بیری ثناءاللهنینگ ایتیشیچه، بدنینینگ کوپینچه قسمی عادی حالتگه قیتگن.
بیراق، جلدی کسللر متخصصی داکتر راضیه عالمینینگ ایتیشیچه، بیلیم دانلر حاضرگه قدر ویتیلوگو یا آق داغلر کسللیگی اصلی عاملینی تاپمهگن، انه شو سبب، قطعی شکلده دارولش قیین دیر. اونگه کوره، اوشبو کسللیکنی دارولش خصوصیده، یونانی طبیبلرنینگ ادعاسی، علمی ایمس دیر.
دنیا بویلب طبی بیلیملر رواجلنگنده هم، افغانستان خلقی حاضرگچه یونانی طبیبلر و حکیملرگه مراجعت قیلیب، کسللرینی دارولهیدی.
دنیا بوییچه سنتی طبابت قدامتی 6 مینگ ییلگه ییتیشهدی و خلق ایشانچیگه کوره، اوتدن توزهلگن دارولر زیان ییتکیزمسلیگی یانیده، کیمیاوی دارولردن کوره ارزان دیر.