لغمان ولایتیده فعالیت قیله‌دیگن سمون کورلر خصوصی تشکیلاتی، لغمان مرکزی‌گه تیگیشلی پجکیو منطقه‌سیده 300 مترلیک بیر دیوار توزه‌تگن و بو دیوار 1000 جریب ییرنی سوو تاشقینیدن قوتقرگن.
محل یشاوچیلری‌نینگ ایتیشیچه، اوشبو دیوار قوریلگنیدن بویان اولر قورقمس‌دن ایکینچیلیک قیله‌دیلر و کیله‌سی موسم‌ده یخشی محصولات آلیش‌نی کوته‌دیلر.
مذکور منطقه قوم بویوک‌لریدن بیری اورنگ‌نینگ ایتیشیچه، اوشبو دیوار 1000 جریب ییرنی سوو تاشقینیدن قوتقریش یانیده، منطقه اهالی خوفسیزلیگی‌نی تأمین‌لگن.
قیش موسومی‌ده علی‌شنگ دینگیزینی سووی کم بوله‌دی؛ بیراق اوشبو دینگیز سووی کوپه‌ییشی، حوت آیی‌ده باشله‌نیب و سرطان آیی‌ده کوپ یوقاری کیته‌دی و ایریم پیت‌لر یامغیر یاغیشی نتیجه‌سیده سوودن توله‌دی.
اوشبو منطقه‌نینگ ایکینچی‌لری کوپ امید بیلن ایکینچیلیک‌که باشلب و قیته‌دن ییرلرینی اوستیگه ایش‌لشدن، خرسندلیک بیلدیرگن‌لر.
منطقه ایکینچی‌لریدن حسن خان و خان آقا، قوریق ییرلردن فایده‌لنیش‌لری حقیده خرسندلیک بیلدیریب ایتیش‌لریچه، اوشبو دیوار توزه‌لیشی بیلن اولرنینگ بهار و یازگی محصولات‌لری سوو تاشقینی دن امان قالیب و اولر تینچ فکر بیلن ییرلریدن فایده‌لنیش‌لری ممکن.
محل یشاوچیلری‌گه کوره، اوشبو دیوار توزلیشی بیلن 100 کیشی‌گه ایش زمینه‌سی یره‌تیلگن.
لغمان مرکزی‌نینگ پجکیوی منطقه‌سیده بوغدای، ارپه و باشقه بیرقطار سبزوات‌لر ایکیله‌دی.
سمون کورلر تشکیلاتی‌نینگ معلوماتی اساسیده، اوشبو دیوار کمیده 15 میلیون افغانی خرجت کوتارگن و بو خرجت، دنیا آوقت تشکیلاتی تامانیدن توللنگن.
مذکور تشکیلات‌نینگ ولایتی مسؤولی آمینه ندانینگ ایتیشیچه، بو پروژه اوچ آی ایچیده عمل‌گه آشیریلیب و کوپینچه کیشی‌نی ایش بیلن تأمین‌لگن. آمینه نداگه کوره، بو دیوارنینگ بلندلیگی اوچ متر بولگن و ایریم بولیم‌لری اوچ متردن هم کوپراق دیر.
اونینگ کوپه‌یتریشیچه، مذکور دیوار پجکیو منطقه‌سیده توزه‌لیشی کمیده 8 قیشلاقنی سوو تاشقینیدن قوتقرگن.
سمون کورلر تشکیلاتی مسوولری‌نینگ ترقه‌تگن معلوماتی اساسیده، بو اداره اوتگن 16 ییل ایچیده دیوار توزه‌تیش یانیده باشقه بولیم‌لرده، جمله‌دن عیاللرگه تعلیمات بیریش توغریسیده فعالیت قیلگن.
اولرگه کوره، مذکور اداره تامانیدن تعلیمات کورگن عیاللر ایش بازاری‌گه کیرگن‌لر.
لغمان یشاوچیلری بونگه اوخشه‌گن پروژه‌لر عمل‌گه آشیریلیشی‌دن خرسندلیک بیلدیریب و دولتی اداره‌لردن شونگه اوخشه‌یدیگن پروژه‌لرنی ایکینچیلیک و چارواچیلیک بولیم‌لریده هم عمل‌گه آشیریلیشی‌نی سوره‌یدیلر.
