ارزگان ولایتی نینگ مرکزی ترینکوت شهریده یوزلب کیشی ناراضیلیک نمایش اوتکزیب، ولایت برقرارلیگی تامین بولیشی اوچون حربی عملیات اوتکزیلشی‌نی طلب قیلگنلر.
اعتراض‌ده اشتراک قیگنلرنینگ کته قسمی ولایت نینگ نابرقرار تومنلریدن ولایت مرکزیگه آواره بولیب کیلگنلر ایکن لیگی ایتیله‌دی.
اعتراضچیلر، مرکزی حکومت بو ایستکلریگه جواب بیرمه‌گن حالده، ناراضیلیک نمایش‌گه دوام بیریشلری خصوصیده آگاهلنتیرگنلر.
نمایشچلر نماینده‌لیگیده گپیرگن حاجی عبدالله، ایستکلیر فقط اوروش و زوروانلیکدن ییراق بولگن بیر عادی حیاتگه دوام بیریش بولگن لیگینی تیلگه آلگن. او، حکومتدن منطقه‌لریدن قوراللی طالبلر چیقاریلیشی‌نی سوره‌گن.
سلام‌وطندارگه صحبت بیرگن ارزگان ولایتی والیسی نینگ سوزلاوچیسی دوست محمد نایاب، اعتراضیچلرنینگ قیین چیلیگی توغریسیده خبریمیز بار دیگن.
او، بو قیین چیلیک حل ایتیلیشی اوچون مرکزی حکومتنی جریانگه قویه میز دیگن.
ارزگان ولایتی نینگ نابرقرار تومنلریدن آواره بولیب تیرینکوت ده جایلشگن مهاجرلر کیچه – کندوزنی مینگ بیر مشقت بیلن اوتکزه دیگن بیر چاغده بونده‌ی بیر ایش‌گه قول اورگنلر.
