بوگون مملکت اقتصاد وزیرلیگی ۲۰۱۵- ییلده نادولت موسسه‌لرنینگ ییللیک فعالیتینی نشر قیلدی. مذکور گزارشگه عمومأ ۸۲۰٬۴ میلیون دالر موسسهلر تامانیدن بولگن هزینه دن ۷۱ فایزینی (۵۸۵٬۸۴ میلیون دالر) تشقی موسسهلر مصرف قیلگن.
گزارشگه بیریلگن معلوماتده ۲۰۱۵ ده مملکت بویلب ۴۱۳۵ پروژه تطبیق بیریلگن جمله دن ۲۵۹۸ پروژه تشقی موسسهلر تامانیدن و قالگن (۱۵۳۷) ته‌سی ایچکی موسسهلر تامانیدن علمگه آشیریلگن.
اقتصاد وزیرلیگی ولایتلرده پروژه‌لر ترقه تیلیشی اوچون اورته‌لیک نظرده توتیلمه‌گن لیگینی معلوم قیلیب، بیر میلیوندن ۲۸۴ میلیون دالرگه قدر ولایتلرده بیریلگن‌لیگی معلوم قیلینگن.
کابل، تخار، بدخشان، بامیان و ننگرهار ولایتلریده نادولتی موسسهلر تامانیدن اینگ کوپ هزینه بیریلگن و بونگه قره‌گنده، نورستان، نیمروز، فراه، میدان‌وردک و پکتیکا ولایتلری اینگ آز هزینه بیریلگن ولایتلردن سنله‌دی. اقتصاد وزیرلیگی رسمیلری تفاوت‌لرنی ولایتلرده امنیت بولمه‌گن‌‍لیگی دیب بیله‌دی.
نادولتی موسسه‌لرنینگ ۲۰۱۵-ییل گزارشی‌ده بامیان، کابل، سمنگان، خوست و بدخشان ولایتلری یشاوچیلریدن هر بیریگه ۳۹ دن ۶۸ دالر ایته‌دی. بو رقمگه قره گنده، فاریاب، بلخ، دایکندی، کنر، ارزگان، ننگرهار، قندوز، تخار، لوگر، بغلان، قندهار، هلمند، جوزجان، لغمان و زابل ولایتلری یشاوچیلریدن هربیریگه ۲۰ دن ۳۰ دالر و بادغیس، هرات، کاپیسا، پروان، غور، پنجشیر، وردک، فراه، غزنی، نیمروز، سرپل، نورستان و پکتیا ولایتلری یشاوچیلریدن هر بیریگه ۴ دن ۲۰ دالرگه آزه‌یب کیلگن.
اقتصاد وزیرلیگی نینگ بوگزارشنی نشر قیلیشدن هدفی ۲۰۱۵ – ۱۳۹۴ ده تشقی و ایچکی موسسهلر تامانیدن بجریلگن یوکسه‌تیش فعالیتلرنی کورسه‌تیش بولگن.
اوشبو موسسهلر کوپراق ساغلیقنی سقلش، معارف، ایکینچی‌لیک و اجتماعی خدمات بولیمیده سرمایه یاتقیزگنلر.
ساغلیق
۱۳۹۴-ییلده ساغلیق بولیمیده ۶۷۷ پروژه ۲۵۰٬۸۶ میلیون دالر هزینه (۳۰٬۵ فایز عموم پولدن) مصرف قیلگن. اوشبو هزینه دن ۵۶٬۸۸ فایزی تشقی موسسهلر و قالگن ۴۳ فایز ایچکی موسسهلر تامانیدن مصرف قیلینگن.
ساغلیق بولیمیده هم کابل، قندوز، کنر و هلمند بیرینچی و زابل، سمنگان و نیمروز اینگ آز مصرف بولینگن ولایتلردیب جدولگه آلینگن.
معارف
اوتگن ییل معارف بولیمیده ۵۶۹ پروژه ۱۲۷٬۰۲ میلیون دالر (۱۵٬۴۸ فایز عمومی مصرف) دن خرجت قیلینگن.
پروژه‌لرگه قیلینگن خرجت ۶۷٬۶ فایزی تشقی موسسهلر تامانیدن و ۳۲٬۴ فایز مصرف ایچکی موسسهلر تامانیدن هزینه قیلینگن.
اینگ کوپ هزینه کوترگن کابل، فاریاب، هرات، بامیان و ننگرهار ولایتلری بولگن. شونینگدیک نورستان، ارزگان، زابل، دایکندی و نیمروز ولایتلری اینگ آز هزینه بیریلگن ولایتلر قطاریده کیلگن.
ایکینچی‌لیک و چارواچی‌لیک
اوتگن ییل ایکنچی‌لیک و چارواچی‌لیک بولیمیده ۳۵۳ پروژه ده ۵۱٬۸ میلیون دالر هزینه بولیب اوشبو هزینه دن ۶٬۳۱ فایزی خاص ایکینچی‌لیک بولیمیده خرجت قیلینگن. بو هزینه دن ۵۷٬۵۷ فایزی تشقی موسسهلر تامانیدن و ۲۴٬۴۳ فایزی ایچکی موسسهلر تامانیدن هزینه قیلینگن.
بو بولیمده هم کابل، بامیان، بادغیس و تخار ولایتلری کوپلب هزینه‌نی اوزیگه آلیب جدول باشیده قرار آلگن و کنر، نورستان و نیمروز ولایتلری اینگ آز هزینه آلگن ولایتلردن سنله‌دی.
اجتماعی خدمات
باشقه هر بولیمدن کوره اجتماعی بولمیده کوپلب هزینه قیلینگن. جمله‌دن ۲۰۱۵ ده ۲۵۳۶ پروژه ۳۹۰٬۷۱ میلیون دالر هزینه‌دن ۸۱٬ ۴۱ فایزی تشقی موسسهلر و ۱۸٬۵۹ فایزی ایچکی موسسهلر تامانیدن مصرف بولگن.
بو بولیمده هم کابل، بدخشان، بلخ و ننگرهار اینگ کوپ هزینه آلگن ولایتلردن بولیب نورستان، ارزگان، پکتیکا، نیمروز، زابل و پنجشیر ولایتلری اینگ آز سرمایه یاتقیزگن ولایتلر قطاریده کیلگن.
۱۳۹۴- ییلده نادولتی موسسه‌لرنینگ ییللیک فعالیتیدن تیار قیلیگن گزارشده اداره‌لر یاردم‌لیگیی قویی درجه‌ده بولگنی و تجارت وزیرلیگی‌گه مذکور نهادلرنینگ تیکشیریش و نظارت قیلیشلری، تشقی و ایچکی موسسه‌لرنینگ اوشبو وزیرلیککه گزارش بیرمه گنلری، اوشبو موسسه‌لرنینگ هزینه قیلیشی نا برابرلیگی و تشقی و ایچکی نادولتی موسسه‌لرنینگ اوشبو وزیرلیکنی قیینچی‌لیک‌لرگه روپه‌ره قیلگن ییلی دیب عنوان قیلینگن.
