عبدالله عبدالله رهبرلیگی‌ده یقیین‌لیک و برقرارلیک سیلاو تیمی نینگ ایکینچی اورین‌باسری اسدالله سعادتی نینگ ایتیشیچه، آوازلرنی قیته سنه‌ش و تازه‌لش اوچون محللرگه کیتمسدن آلدین هر صندوق نینگ ایشانچلی آوازی نی رقمی بیللی بولیشی کیره‌ک.
جناب سعادتی بوگون (جمعه 24- عقرب) کابل‌ده خبری بیر ییغین اوتکزیب ایتیشیچه، سیلاولر ایرکین کمیسیونی نینگ مرکزی سروریده کیریتیلگن آوازلرگه باطل و غیر باطل آوازلر شامل دیر و شونینگدیک محللرگه کیتمسدن آلدین باطل آوازلر بیکار قیلینیشی کیره‌ک.
او، شونینگدیک ینه بیر مرته کمیده 300 مینگ ناپاک آواز بیکار قیلینیشی نی سوره‌دی.
مذکور سیلاو تیم ایکینچی اورین باسری نینگ کوپه‌یتیریشیچه، شونینگدیک بایومتریک معلوماتی بولمه‌گن 2مینگ و 423 محل آوازی هم بیکار قیلینیشی کیره‌ک.
جناب سعادتی نینگ کوپه‌یتیریشیچه، ساخته آوازلر سنه‌لیشی اوچون هیچ قچان رخصت بیرمه‌یدیلر.
شو توغریده:
- نظارتچی اداره‌لر: یوناما و اروپا بیرلیگی‌نینگ سیلاو ایشلریده اره‌لشیش‌گه حقلری یوق دیر
سیلاو ایرکین کمیسیونی آوازلرنینگ قیته سنه‌ش جریانی‌نی توخته‌تدی
سیلاو کمیسیونی نینگ سیلاو توغریسیده بولگن طرزالعملی نقض ایتیلگن
اونگه کوره، یقیین‌لیک و برقرارلیک سیلاو تیمی اهالی گه بیرگن تعهدی اساسیده، افغانستان ینه بیر مرته دنیا بوییچه «ساخته‌کار» بیر مملکت صفتیده تانیتیلیشی گه رخصت بیرمه‌یدی.
عین حالده، سیلاولر ایرکین کمیسیونی (18- عقرب شنبه) کونی آوازلر قیته سنه‌لیشی و تیکشیریلیشی نی باشله‌دی، بیراق بو پروسه عبدالله عبدالله، حکمتیار و رحمت‌الله نبیل سیلاو تیم‌لری نینگ قرمه‌قرشیلیگی گه روپه‌رو بولدی.
ایکی کون آلدین سیلاولر ایرکین کمیسیونی سیلاوی تیملر و سیاسی جریانلرنینگ شکایت‌لرینی تیکشیریش اوچون بو پروسه نی توختتدی.
