افغانستان دولتی و طالبان گروهی آره‌سیده دوامی بولگن تینچلیک سوزلشوولرده بیرقطار موضوع‌لر خصوصیده تارتیشوولر صورت تاپگنی ایتیلگن.
طالبان نینگ حنفی مذهب‌نی مباحث اصولی عنوانیده قرار بیریلیشی اوستیگه تاکید قیلگنی مذکور تارتیشوولردن بیری دیر.
طالبان نینگ اوشبو صحبت‌لری افغانستان یشاوچی‌لری و بیرقطار سیاسی سیمالر و دولت رسمی‌لری نینگ جدی واکنش‌لری بیلن روپه‌ره بولگن. جمهورلیک ریاستی ایکینچی اورین باسری سرور دانش طالبان نینگ اوشبو ایسته‌گی‌نی قابل قبول ایمس دیگن.
شونینگدیک، ملی مصالحه کینگشی اورین باسری عطالرحمان سلیم نینگ سلام‌وطندارگه ایتیشیچه، افغانستان‌لیکلر ارا سوزلشوولر حساس مرحله‌گه ییتیشگن و بونده‌ی شرایط ده حساسیت‌لی صحبت‌لر تینچلیک سوزلشوولرگه زیان ییتیشتیره‌دی. اونینگ ایتیشیچه، حاضرگی شرایط ده چارچوب و اساسی موضوع‌لر خصوصیده صحبت قیلینیشی کیره‌ک.
.jpg)
سابق ملی خوفسیزلیک ریاستی باشلیغی رحمت‌الله نبیل نینگ ایتیشیچه، حنفی مذهبلرنی شیعه‌لر حقوقلریدن دفاع قیلیش اوچون سیس چیقاریش‌لری کیره‌ک. جناب نبیل نینگ کوپه‌یتیریشیچه، طالبان نینگ تبعیض‌لی ایستک‌لری عملگه آشیریلیشی اوچون رخصت بیریلمه‌یشی لازم.
عین‌حالده، نماینده‌لر کینگشی اعضالریدن بیرقطاری نینگ ایتیش‌لریچه، طالبان گروهی بونده‌ی جنجلی موضوع‌لر آرقه‌لی، اهالی آره‌سیده نفاق تشله‌یدی.
نماینده‌لر کینگشی اعضاسی بلقیس روشن نینگ ایتیشیچه، افغانستانده یوق قیلیش سیاست ایجابی نتیجه بیرمه‌یدی و هیچ‌بیر قومی، مذهبی، سیاسی و جنسیتی اقلیت دن انکار قیلیب بولمه‌یدی.
.jpg)
اداری فسادگه قرشی کوره‌ش قوشمه ایرکین کمیته باشلیغی باری سلام نینگ توییتر صحیفه‌سیده یازیشیچه، بیر خاص مذهب خصوصیده صحبت قیلیش مصالحه اصلی‌گه قرشی دیر. جناب سلام نینگ ایتیشیچه: «تفاوت‌لرنی رسمیت‌لرگه تانیمه‌یسیزلر، پس سوزلشوو نیمه اوچون و مصالحه کیم بیلن.»
بوندن آلدین جمهورلیک ریاستی نینگ ایکینچی اورین باسری سرور دانش، طالبان نینگ اوشبو برخوردینی امام ابوحنیفه نینگ اندیشه‌سیگه قرشی عنوان قیلگن ایدی
افغانستان دولتی تامانیدن تعیین‌لنگن مذاکره قیلووچی هیات بوتوغریده صحبت قیلیش‌نی ایستمه‌گن.
