.jpg)
استاد ماشینی نامی بیلن شهرت قازانگن عبدالرشید لوگری «خدا بود یارت، قرآن نگه‌دارت» ناملی مشهور قویشق‌نینگ یره‌تووچیسی. یریم عصر حیاتینی اصل و محلی موسیقه رواجی اوچون صرفله‌گن استاد ماشینی هلی بیمارلیک بستریده یاتگن. او احمد ظاهر بیلن یقیندن همکار بولگن. استاد ماشینی، تیللرده داستان کوپینچه تانیلگن قوشیقلرنینگ بسته کاری.
62 یاشر بسته‌کار و موسیقه‌چی قندکسل‌لیگیگه چَلینگن‌لیگی باعث تورت آیدن بیری کابل‌نینگ تورت یوز بسترلیک شفاخانه‌سیده دوالنماقده. مملکت محلی موسیقه‌سی اوچون یریم عصر حیاتینی صرف ایتگن کیشینی کورگنیگیزده اونینگ کوزلری یَرقیره‌ب تورگنینی کوزه‌تردینگیز هلی ایسه بو کوزلر عیادت قیلووچیلرنی کوته‌دی.
هنوزگچه بو شخصنی یقیندن کورمه‌گن ایدیم، فقط او بیلن قوشیقلری آرقه‌لی تانیشگن ایدیم. صحبت باشلش بیلن‌آق کوزیگه یاش ایلنگن بو صنعتچی هنوزگچه دولت نینگ هیچ بیر منصبداری احول سوره‌مه‌گن لیگیدن نالیدی.
او، افغانستانلیک مشهور آوازخوانلر سر‌آهنگ، رحیم‌بخش و محمد عمرلر بیلن زمانداش بولگن. ییللب اولر بیلن بیرگه‌لیکده رباب چَلیب شعرلریگه قوشیق بسته‌له‌گن. «خدابودت یارت، قرآن نگه‌دارت، سخی مددگارت» قوشیغینی احمد ظاهرگه بسته‌لب بیریب او بیلن نیچه مرته ایران‌گه سفر قیلگن لیگینی تیلگه آله‌دی ماشینی.
اونینگ بیزاوته‌لیگی اوچون گپنی اودیریغتیریشگه اولگوره‌من. قوشیق بسته‌لب بیرگن صنعتچلری باره‌سیده سوره‌شگه باشلیمنی. نغمه، قمرگل، افسانه، ننگیالی، سرمت و بوندن اون ییللر آلدین ایجاد قیلگن آوازخوانلربیلن ایش قیلگن لیگینی تیلگه آله‌دی کیکسیگن صنعتچی. او، اوشبو صنعتچیلرنینگ قوشیغیگه برماقلری بیلن رباب چَلیب بیرگن لیگینی ایسلیدی.
.jpg)
استادنینگ سوزلریگه قره‌گنده 12 یاشیده موسیقه‌گه یوز کیلتیرگن. او، بو صنعتنی آته‌سیدن اورگن لیگن‌لیگینی اظهار قیله‌دی.
مال ملک و بایلیگی حقیده سوره‌گنیمده کابل‌ده‌گی یشش اویی ایچکی اوروشلر نتیجه‌سیده ویران بولگن لیگینی ایته‌دی. او، ایندی 21 یاشگه کیرگن اوغلینی منه شو ایچکی اوروشلرده قولدن بیرگن لیگینی کویینیب تیلگه آله‌دی. حاضر تقریبا ویرانه‌گه ایلنگن بیر اویده حیات کیچریشنی اظهار قیله‌دی افغانستان‌ده یریم عصر صنعت ساحه‌سیده خذمت قیلگن بو آته‌خان. «خلق کومک قیله‌دیگن پول بیلن حیات کیچیریشینی» بیلدیردی جناب ماشینی.
او، قالگن حیاتنی یامغیرنینگ چَککگیدن ییراقده اوتکزیش اوچون حکومتدن هیچ بولمه‌گنده یشش بیر اوی بیریشینی طلب قیله‌دی. استاد ماشینی، دارو درمان نینگ پولی داکترلر آرقه‌لی توله‌نیله یاتگن لیگینی ایته‌دی. شونینگدیک طبی کوریک ینه دوانی پولینی تولَش امکانیتگه ایگه ایمس‌لیگینی سِر قویمیدی.
احوالی اونچه‌لیک یخشی بولمه‌گن لیگی اوچون سوزلریگه قوییده‌گی گپلر بیلن نطقه قویدی صحبداش: « مین افغانستان‌دن من، نیچه کون بو مملکت صنعتی اوچون ایشله‌دیم، اروپا دولتلریدن کیله‌دیگن صنعتچیلر اوچون طنطنه‌لی بیره‌م آلینه‌دی، اما هیچ بیر شرایطده مملکتنی ترک ایتمه‌گن مین قاره بخت نینگ حیاتیم منه شو».
استاد ماشینی شفاکارلردن فقط عادی حالتگه قیتیشنی سوره‌گن. داکترلر ایسه اونینگ احوالی یخشی بولماقده و تیز آرده اوییگه قیتیشی ممکن دیدیلر.
